Тұлғалық дамудың негізі

«Біртұтас тәрбие» бағдарламасының мақсаты – жас ұрпақты жалпыадамзаттық және ұлттық құндылықтарға негізделген саналы, еңбекқор азамат етіп тәрбиелеу. Яғни, рухани-адамгершілік қасиеттерін қалыптастырып, әлеуметтік жауапкершілігін арттыруға ықпал етеді.

Бағдарламаның негізі бағыты – әр баланың жеке ерекшеліктерін ескеріп, оның дарындылығы мен қабілеттерін дамыту. «...Бала үшін аянба бетің күйеді» деген терең мағыналы сөз ата-аналардың, қоғамның және білім беру ұйымдарының бала тәрбиесіндегі үлкен жауапкершілігін көрсетеді. Осыдан-ақ бала тәрбиесіне жауапкершілікпен қараудың маңыздылығы анық байқалады.
Біздің балабақшада да «Біртұтас тәрбие» бағдарламасы аясында қазақтың ұлттық ойындары – асық ойнау, қол күрес, тақия тастамақ ойындары арқылы балаларға ұлттық салт-дәстүрлер мен әдет-ғұрыптарды үйрету мақсатында түрлі іс-шаралар мен ойындар өткізіледі. Солардың бірі – балалардың туған еліне, Отанына деген сүйіспеншіліктерін арттыруға бағытталған «Қазақтың ұлттық ойындары» тақырыбындағы іс-шара.
Аталмыш бағдарламаның жүзеге асырылуы балалардың физикалық, әлеуметтік және рухани дамуына үлкен әсер етеді әрі оларды ұлттық құндылықтармен терең таныстырып, тәрбиелейді.

Асель НАКЕНОВА,
№16 бөбекжайдың тәрбиешісі,
Қостанай қаласы