Саламаттылық – салтымыз!

Выпуск - №40 (386)   :   22.10.2019
60

Ы.Алтынсарин атындағы Обаған орта мектебінде велошеру болып өтті. Шара Елбасының «Болашаққа бағдар: рухани жаңғыру» бағдарламасын іске асыру мақсатында ұйымдастырылды.

Қазақстан Республикасының Тұңғыш Президенті Н.Ә. Назарбаев «Төртінші өнеркәсіптік революция жағдайындағы дамудың жаңа мүмкіндіктері» атты Жолдауында «Саламатты өмір салтын насихаттай отырып, қоғамдық денсаулықты басқару ісін күшейту керек. Жастардың репродуктивті денсаулығын қорғауға және нығайтуға ерекше назар аудару қажет», – деген болатын. Аталмыш мақсатты жүзеге асыруға бағытталған спорттық шараға мектеп басшысы Н.Ахмадиева бастап, мектеп мұғалімдері мен оқушылары қызығушылпен қатысты.

Велошеру аудан орталығынан басталып, Щербаков ауылы, Омар құдығына дейін жалғасты. Бұл күндері саламатты өмір салтын насихаттап, болашақ ұрпақты спортқа тарту, адам бойына күш-қуат құйып, рухани болмысын жаңғыртатын бірден-бір амалы екендігі даусыз. Велошеруге қатысқан ұстаздармен қатар оқушылардың да аталмыш спорт түріне деген қызығушылықтары арта түсті. Осындай іс-шаралар арқылы саламатты өмір салтын ұстанушылардың қатары қалыңдайды деп есептеймін.
 

Реклама