Тәрбие талбесіктен басталады

Выпуск - №11 (458)   :   22.03.2021
282

Елбасы «Болашаққа бағдар: рухани жаңғыру» және «Ұлы даланың жеті қыры» атты бағдарламалық мақалаларында елімізде таяу жылдарда атқарылатын бірнеше міндеттерді нақтылап көрсеткен болатын.

«Ел боламын десең, бесігіңді түзе» деген аталы сөз бар. Осы тұста балабақшаны – оқу-тәрбие жұмысының тал бесігі деуге болады, сондықтан тәрбиенушілерді ата-баба салт-дәстүрімен, қолөнерімен таныстырып, мүмкіндігіне қарай үйрету – біздің абыройлы борышымыз деп білеміз.
Бала балабақшадан өзінің отбасына кешкітұрым барғанда, телеэкранға немесе ұялы телефонға көз майын тауысқанша отырғаннан гөрі кеңес беру арқылы – жүн түту, ою оюуды, одан не нәрсе жасалатынын ата-анасы көрсетіп, әңгімелесіп отырса, баланың ой-өрісі тез қалыптасатына сөз жоқ. Осындай жағдайда, біріншіден, бала мен ата-ананың бір-біріне деген қарым-қатынасы бекемделе түседі, екіншіден, баланың жүн түтіп, еңбек етуі оның денсаулығын жақсартуға ықпал етеді. Өйткені жүн түте отырып, баланың саусақ бұлшық еттері дамиды, үшіншіден, баланың мінезі төзімділік пен шыдамдылыққа бейімделе түседі.
Ата-бабамыздан мирас болып қалған ұлттық құндылықтарымызды бүлдіршіндеріміз біліп қана қоймай, бойына сіңіріп өссе біздің жұмысымыздың нәтижелі болғаны деп санаймыз. Біздің №61 балабақша ұжымы Елбасының жоғарыда атап өткен «Ұлы даланың жеті қыры» атты мақаласын басшылыққа ала отырып, ең алдымен тәрбиешілеріміздің өздері ұмыт қалған салт-дәстүрлерімізді, қолөнерімізді қайта жаңғыртуды қолға ала бастады. Күннің екінші жартысында балаларға ұмыт болып бара жатқан құндылықтарымыз жайлы кеңінен таныстырып, көрсетіп, үйретіп жұмыстар жүргізудеміз.


Айнұр ТОРИНА,
Гүлмира ҚАБЫЛДИНА,
№61 б/б тәрбиешілері,
Қостанай қаласы

 

Реклама