Әбу Насыр әл-Фараби ізімен

Үстіміздегі жылы ойшыл, «Екінші Аристотель» атанған ғұлама ғалым Әбу Насыр әл-Фарабидің туғанына 1150 жыл толмақ. Айтулы датаға орай, «Западный» кітапхана-филалында тақырыптық сөре ұйымдастырылды.

«Әл-Фараби ізімен» атты сөреге кітапхана қорындағы ғұламаның еңбектері: «Қайырымды қала. Музыка туралы кітап», Әбу Насыр әл-Фарабидің «Таңдамалы трактаттары», 10 томдық шығармалар жинағы және мерзімді басылым беттеріндегі мақалалары қойылды. Оқушыларға әл-Фараби жайлы қысқаша мағлұматтар беріліп, еңбектерімен таныстырылды. Ғалым еңбектерінде адамдардың бақытқа, молшылыққа жету үшін бір-біріне әділетті дос болуын насихаттап жазғаны жайлы сөз қозғалды.

Кітапханада арнайы сөрені ұйымдастырудағы басты мақсат – бабамыздың мұраларын оқырмандарға насихаттап, келешек ұрпаққа жеткізу, дәріптеу болды. Әбу Насыр әл-Фараби бабамыздың ғылым жолына өз үлесін қосарда табанын тоздырып, әлем шарлап, ғылым мен білімнің құпия сырларын жетік меңгергені кейінгі ұрпаққа өшпес өнеге, өлмес мұра, ең құнды қазына деп ойлаймын.

Айнагүл ӨТЕБАЕВА,
«Западный» кітапхана-
филиалының қызметкері,
Қостанай қаласы