Алаш аманатын арқалаған

Қостанай қаласындағы «Дорожный» кітапхана-филиалының қызметкері елінің азаттығын аңсаған ұлт зиялыларына арналған «Алаш арыстары» атты іс-шарасын өткізді. Оған №15 мектептің 9-сынып оқушылары қатысты.

Шарада оқушыларға Алаш арыстарының өмір жолын, өткен ғасырдағы тарихи көріністердің шындығы жайлы презентация көрсетіліп, қоғам белсенділерінің халық үшін жасаған еңбектері мен ғалымдар зерттеген құжаттары туралы арнайы түсірілген бейнефильмдер мен бейнебаяндар көрсетіліп, тыңдалды. Оқушылардың бірі Қуандық Нұртаев ұлт зиялылары жөнінде ой-пікірін ортаға салды. «Алаш зиялылары» тақырыбындағы кітап көрмесіне мектеп кітапханашысы Қ.Шаяхметова шолу жасап, оқушылар «Аңыз адам» журналынан әр тұлғаға арналған жеке мәліметтері, өмір жолы мен Алаш қайраткерлерінің туған халқын қалай сүюдің, оның мұң-мүддесін қалай қорғаудың, Отанға адал және риясыз қызмет етудің теңдессіз үлгісін көрсеткен зиялыларының өмірі мен еңбектері жайлы ақпараттарды біліп, көрмедегі кітаптардан рухани байлық пен мол мағлұмат алды.

Айнұр СЕЙДАХМЕТОВА,
«Дорожный» кітапхана-
филиалы кітапханашысы,
Қостанай қаласы