«Алтын тұғыр» олимпиадасы

Выпуск - №44 (541) : 12.11.2022

1836

Науырзым ауданы білім бөлімінің жоспары негізінде бастауыш сынып мұғалімдеріне арналған «Алтын тұғыр» республикалық математикалық олимпиадасының аудандық кезеңі өтті.

Олимпиаданың мақсаты – мұғалімдердің зерттеу және шығармашылық әлеуетін жүзеге асыруына жағдай жасау, математиканы оқыту процесін жетілдіру, жоғары кәсіби мұғалімдерді анықтау және қолдау, математикадан олимпиадалық есептерді шешуде мұғалімдердің біліктілігін жетілдіру. Аудан бойынша 8 жалпы білім беретін мектебі және 2 негізгі орта мектебінен 13 бастауыш мұғалімдері қатысты. Буревестник ЖББ мектебі, Дәмді ЖББ мектебі, Мереке негізгі орта мектебінен мұғалімдер қатыспады.

Әр дұрыс орындалған тапсырма үшін белгілі бір ұпай саны есептелді. Ең көп ұпай жинаған қатысушылар олимпиада жеңімпаздары атанды. Оның ішінде 6 педагог жеңімпаз атанып, грамоталар мен дипломдармен марапатталды. Ең жоғарғы ұпай жинаған 2 педагог Науырзым ЖББ мектебінің бастауыш сынып мұғалімі Жаңыл Карымсакова мен Докучаев ЖББ мектебінің бастауыш сынып мұғалімі Кульжан Жусупова «Алтын тұғыр» республикалық математикалық олимпиадасына облыстық кезеңіне жолдама алды.

Қанымкүл ВАЛИЕВА,
Науырзым ауданы
білім бөлімінің әдіскері