Жақында үстіміздегі жылдың тамыз айының 1-і мен қыркүйектің 30-ы аралығында өткізілетін «Мектепке жол» республикалық акциясы бастау алды. Шарапаты мол шара әлеуметтік жағынан аз қамтылған отбасыларға қолдау көрсетуге бағытталған.
Президентіміз Қасым-Жомарт Тоқаевтың: «Өскелең ұрпақтың үйлесімді дамуы мен бақытты балалық – бұл біздің жалпы ұлттық міндетіміз», – деген сөзін медет етіп, биылғы «2022 жыл – Балалар жылына» орай жылдағы дәстүрге сай «Мектепке жол» республикалық акциясын бастадық.
Республикалық қайрымдылық акциясы аясында Айсары жалпы білім беретін мектебінің 30-ға жуық білім алушысына көмек көрсетіледі деп жоспарлануда. Қыркүйек айының 30-ына дейін жалғасатын акция барысында көмекке мұқтаж ата-аналардан да өтініштер қабылданатын болады. Сол себепті көмек берілетін балалардың саны артуы мүмкін.
Қазіргі нарықта барлығы қымбаттап жатқан заманда баланы мектепке дайындау оңай шаруа емес екені анық. Бұл, әсіресе, әлеуметтік аз қамтылған отбасылардың қалтасына ауыр тиетіні рас. Сол себептен де биылғы «Балалар жылында» көмекке мұқтаж балалардың жаңа оқу жылында мектепке қажетті құрал-жабдықтар және киіммен толыққанды қамтамасыз ету үшін әр білім беру мекемесінде қалам-қарындаш, дәптер сынды құралдарды жинау орындары бар.
Көмекке мұқтаж балаларға демеушілермен қатар қарапайым халық та жәрдемдесе алады. Акцияға қатысып, қайрымдылық көрсетемін деушілерге мына мекенжай бойынша байланысуға болады: Қостанай облысы, Қостанай ауданы, Айсары ауылы, Школная 1 көшесі. Телефон: 66-1-95.
Жанагүл ЖҰМАБАЕВА,
Айсары ЖББМ
әлеуметтік педагогі,
Қостанай ауданы
Я никогда не учу своих учеников, я пытаюсь только обеспечить условия, в которых они смогут учиться. Учителю необходимо узнать об интересах ученика, увидеть в нём потенциал и бросить все силы на его развитие. Причём сделать это так, чтобы ребёнок хотел учиться и мог это делать.