Білім беру қызметкерлерінің кәсіподағы: бірлік, қолдау, нәтиже

Выпуск - №44(740)   :   20.11.2026
45

2026 жыл Әулиекөл аудандық білім қызметкерлері кәсіподағы үшін белсенді жұмыстарға, әлеуметтік әріптестікті нығайтуға, қоғамдық бастамаларды жүзеге асыруға және аудандық кәсіподақ қозғалысын одан әрі дамытуға толы болды.

image

Мұғалімдер күні – ізгілік пен алғыс мерекесі

Біздің қызметіміздің басты мақсаты өзгеріссіз: білім беру қызметкерлерінің еңбек, әлеуметтік-экономикалық және кәсіби құқықтарын қорғау, олардың әл-ауқатын арттыруға, жан-жақты қолдау көрсетуге және кәсіподақ қауымдастығының бірлігін нығайтуға бағытталған жағдай жасау.
Бүгінгі таңда Әулиекөл аудандық білім қызметкерлері кәсіподағы 40 бастауыш кәсіподақ ұйымын біріктіреді. Олардың құрамында 2257 кәсіподақ мүшесі бар. Әрбір бастауыш ұйымның негізінде ортақ кәсіби мүдделерді көздейтін, қызметкерлердің құқықтарын қорғауға және кәсіподақ қозғалысын дамытуға атсалысатын белсенді азаматтар тұр.
Жыл бойы бастауыш кәсіподақ ұйымдарының төрағаларымен өзара байланысты нығайтуға, бірлескен қызметті үйлестіруге, жергілікті жерлердегі бастамаларды қолдауға және ұйымішілік байланысты дамытуға ерекше көңіл бөлінді. Біздің мақсатымыз – әрбір бастауыш ұйымның жай ғана құрылымдық бөлімше болып қалмай, өзара қарым-қатынас, қолдау және пайдалы бастамаларды жүзеге асыру алаңына айналуы.

Еңбек құқықтарын қорғау – басты міндет

Кәсіподақ қызметінің негізгі бағыттарының бірі – білім беру қызметкерлерінің еңбек және әлеуметтік құқықтарын қорғау. 2026 жылдың мамыр айында Н.Островский атындағы Аманқарағай жалпы білім беретін мектебі мен «Ақбота» бөбекжай-балабақшасында облыстық білім басқармасы мен Жергілікті кәсіптік одақ арасындағы 2024-2026 жылдарға арналған әлеуметтік әріптестік туралы келісім талаптарының орындалуына қоғамдық бақылау жүргізілді.

image

 «Ақбота» бөбекжай-балабақшасындағы қоғамдық бақылау

Бақылау барысында білім беру ұйымдарының ұжымдық шарттарында көзделген міндеттемелердің сақталуына ерекше назар аударылды. Аталған ұйымдар қоғамдық бақылаудан сәтті өтіп, басшыларына «Қоғамдық бақылау» дипломдары мен естелік мүсіншелері табысталды. Біз қоғамдық бақылауды еңбек қатынастарының ашықтығын қамтамасыз етудің, әлеуметтік әріптестік тараптарының жауапкершілігін арттырудың және қызметкерлердің мүдделерін қорғаудың маңызды құралы деп санаймыз.

Әлеуметтік қолдау – маңызды бағыт

Кәсіподақ қызметінің тиімділігін көрсететін маңызды көрсеткіштердің бірі – мүшелеріне көрсетілетін нақты көмек. Ауданның барлық бастауыш кәсіподақ ұйымдары облыстық «Мейірім» әлеуметтік және қайырымдылық көмек қорының мүшелері болып табылады. Есепті кезеңде түрлі қиын жағдайға тап болған 18 кәсіподақ мүшесіне материалдық көмек көрсетілді. Біз үшін кәсіподақтың әрбір мүшесі өз құқықтарының қорғалуымен қатар қиын сәтте жанашырлық пен дер кезінде көрсетілетін қолдауға да арқа сүйей алатын сенімді ұйым болуы өте маңызды.
Кәсіподақтың әлеуметтік саясатында білім беру қызметкерлерінің денсаулығына қамқорлық жасау да ерекше орын алады. Сауықтыру шараларын қолдау – қызметкерлердің денсаулығын сақтауға, күш-қуатын қалпына келтіруге және өмір сапасын арттыруға қосылған үлес. 2026 жылы ауданның білім беру ұйымдарының 45 қызметкері «Сосновый бор», «Джайлау», «Сарыағаш» шипажайларында, М.Қарабаев атындағы Қостанай облыстық оңалту орталығында және «Қамқор» белсенді ұзақ өмір сүру орталығында сауықтырудан өту мүмкіндігіне ие болды.
Отбасылық құндылықтарды нығайту және саламатты өмір салтын насихаттау мақсатында Әбіловтер отбасы жыл сайынғы «Азарт. Спорт. Здоровье» облыстық отбасылық спартакиадасына қатысты. Ата-аналар мен балалар спорт алаңдарында бірге өнер көрсетіп, түрлі эстафеталар мен спорттық сайыстарға қатысу арқылы командалық рух пен ұйымшылдықты, жеңіске деген жігерді танытты. Мұндай іс-шаралар жағымды эмоциялар сыйлап қана қоймай, отбасылық қарым-қатынасты нығайтуға, саламатты өмір салтын қалыптастыруға және спорттың ұрпақтарды біріктіретін күш екенін көрсетуге мүмкіндік береді.

Бірлік пен белсенділік – ортақ жетістіктің негізі

Кәсіподақ қызметі тек ұйымдастырушылық және әлеуметтік мәселелерді шешумен шектелмейді. Ол адамдардың өзара қарым-қатынас жасауына, бірлесіп демалуына, шығармашылық әлеуетін ашуына және ұжымдық байланысты нығайтуына да жағдай жасайды.
Жыл бойы бастауыш кәсіподақ ұйымдары түрлі бастамаларды жүзеге асырып, кәсіподақ өмірін қызықты, заманауи әрі мазмұнды етуге атсалысты. Кездесулер, жаңа бастамалар мен бірлескен іс-шаралар кәсіподақ мүшелерінің басын қосып, өзара тәжірибе алмасуына және белсенді демалуына мүмкіндік берді. Кәсіподақ мүшелері де облыстық байқаулар мен жарыстарға қатысып, жүлделі орындарға ие болды.
Атап айтқанда, үстіміздегі жылдың мамыр айында «Бөбек» бөбекжай-балабақшасының бастауыш кәсіподақ ұйымы «Еңбекті қорғау жөніндегі техникалық инспектордың үздік жұмыс тәжірибесі» облыстық байқауында ІІ орынға ие болды. Ал «Бізді біріктіретін дәстүрлер» атты бейнероликтердің онлайн-байқауында №2 Құсмұрын жалпы білім беретін мектебінің бастауыш кәсіподақ ұйымы І орын иеленді.

2

«Бізді біріктіретін дәстүрлер» байқауындағы №2 Құсмұрын ЖББМ бастауыш кәсіподақ ұйымының жеңісі

Жыл сайынғы республикалық «Педагогикалық идеялар фестивалі» байқауында Н.Островский атындағы Аманқарағай жалпы білім беретін мектебінің математика пәнінің мұғалімі Лев Сергеевич Расчётов ІІ орынға ие болды.Спорттық бағыттағы жұмыстарға да ерекше көңіл бөлінеді. Бастауыш кәсіподақ ұйымдарында дәстүрлі түрде волейбол мен шағын футболдан жолдастық кездесулер, үстел теннисі мен шахмат жарыстары өткізіліп тұрады.

image

 Лев Сергеевич Расчётов – республикалық «Педагогикалық идеялар фестивалі» байқауының жүлдегері

Мұндай кездесулер командалық рухты нығайтуға, ұжымдар арасындағы достық қарым-қатынасты қалыптастыруға және саламатты өмір салтын насихаттауға ықпал етеді.

Ұрпақтар сабақтастығы – ортақ құндылық

Аудандық кәсіподақ ұйымы қызметінің тиімділігін қамтамасыз етудің маңызды шарттарының бірі – ақпараттық ашықтық, мәліметтердің қолжетімділігі және бастауыш кәсіподақ ұйымдарымен тұрақты байланыс орнату. Осы орайда бастауыш кәсіподақ ұйымдарының «Еңбек жолы» жобасы аясында «Ұрпақтар сабақтастығы» тақырыбы бойынша жүргізіп жатқан ақпараттық-ағартушылық жұмыстарына ерекше тоқталғым келеді.
Жобаға С.Баймағамбетов атындағы Әулиекөл мектеп-гимназиясының, И.Сьянов атындағы Әулиекөл жалпы білім беретін мектебінің, Н.Островский атындағы Аманқарағай жалпы білім беретін мектебінің, Чернигов, Көктал, №2 Құсмұрын жалпы білім беретін мектептерінің және «Айгөлек» бөбекжай-балабақшасының бастауыш кәсіподақ ұйымдары белсенді қатысты.
Жарияланған материалдар педагогикалық дәстүрлер сабақтастығын, ұстаздар әулетін және өмір жолын мектеппен байланыстырған жандардың тағылымды тарихын насихаттауға бағытталды. Осылайша, «Еңбек жолы» жобасы ұрпақтар сабақтастығын нығайтуға, мұғалім мамандығын дәріптеуге және ауданның білім беру ұйымдарының тарихын сақтауға бағытталған маңызды алаңға айналды.

Бірлік бар жерде – береке бар

2026 жылы атқарылған ауқымды жұмыстар аудандық кәсіподақ ұйымы қызметінің негізгі бағыттарын қамтыды. Атап айтқанда, еңбек құқықтарын қорғау, әлеуметтік қолдау көрсету, сауықтыру шараларын ұйымдастыру, қоғамдық бақылау жүргізу, мәдени демалысты дамыту және спорттық қозғалысты қолдау бағыттарында жүйелі жұмыстар атқарылды.
Кәсіподақ жұмысы үнемі дамуды, өзара байланыстың жаңа формаларын іздестіруді және ұйым мүшелерінің сұраныстарына мұқият қарауды талап ететінін жақсы түсінеміз. Кәсіподақ – ең алдымен адамдардың бірлігі мен өзара қолдауы. Оның басты күші – ортақ мақсат жолында біріге білетін, бір-біріне жанашырлық танытып, қиын сәтте қолдау көрсете алатын адамдарда.

Айжан БЕКМАГАМБЕТОВА,
«Әулиекөл аудандық
білім беру қызметкерлерінің
 кәсіптік одағы ұйымы»
филиалының төрағасы

Реклама

Вот уже семь лет я тесно сотрудничаю с областной газетой «Учительская плюс». Могу с уверенностью сказать, что это одно из самых подходящих изданий не только для педагогов, но и в целом для всех работников сферы образования. Для меня особенно ценно то, что подписавшись на газету, я как полноценный журналист могу освещать все интересные события, которые проходят в нашем Центре дополнительного образования. Мы всегда получаем своевременный отклик на наши письма. За этим, конечно же, стоит огромный труд всего коллектива «Учительской плюс». Хочу пожелать газете процветания, благодарных читателей и сохранения своего неповторимого стиля!

Для меня счастливо сплелись преподавание русского языка и литературы в школе и возможность проявить себя в журналистике. Работая со словом, я на страницах газеты могу выразить свои мнения, размышления, впечатления, поделиться достижениями коллег, учеников. Освещаю активную профсоюзную деятельность в образовательной сфере города Рудного. С удовольствием пишу и о спортивных мероприятиях, потому что сам неравнодушен к спорту. И очень приятно, что мои творческие порывы находят признание и в редакции, и у читателей «Учительской плюс».