Ел жадында сақталады есімі

Выпуск - №45(593) : 01.12.2023

774

«Қазақстанның 100 жаңа есімі» жобасы аясында «Западный» кітапхана-филиалында КИнЭУ кәсіпкерлік колледжінің студенттеріне арналған «Ел жадында жатталатын 100 есім» атты табыс формуласы өтті.

Аталмыш шараға қонақ ретінде жоба жеңімпазы, Қостанай қаласы ПБ патрульдік полиция батальонының инспекторы, полиция аға лейтенанты Амантай Байжанов шақырылды. Іс- шара барысында «Қазақстанның 100 жаңа есімі» жобасы туралы қысқаша ақпарат ұсынылып, жобаға қатысушылар туралы бейнеролик көрсетіліп, қонағымыз Амантай Байжановпен сұхбат жүргізілді.

Кеш қонағы еңбек жолы мен жеткен жетістіктеріне тоқталып, жастарға ізгі тілегін жеткізді. Студенттер Амантай Қайратұлының марапаттарына шолу жасап, Қостанай облысындағы басқа да жеңімпаздар туралы мерзімді басылымдарда жарық көрген мақалалар ұсынылған «Қазақстанның 100 жаңа есімі – туған жеріміздің жарқын сәулесі» атты тақырыптық сөремен танысты. Шара соңында қонаққа алғыс білдіріліп, кітапхана атынан кішігірім сыйлық табыс етілді.

Динара ТУГЕЛОВА,
«Западный» кітапхана-
филиалының қызметкері,
Қостанай қаласы