Учительская плюс
Областная еженедельная общественная информационно-образовательная газета
Календарь
19/08/26 Среда
Жастар арасында саламатты өмір салтын насихаттау және ғасыр дертіне айналған есірткі мәселесінің алдын алу мақсатында Қостанай жоғары педагогикалық колледжінде «Есірткі – апатқа апарар есік» атты ауқымды іс-шара өтті.
Л.Н. Толстой атындағы Қостанай облыстық әмбебап ғылыми кітапханасы қызметкерлерінің ұйытқы болуымен өткен кездесу дәстүрлі баяндама түрінде емес, психологиялық эксперименттер мен ашық диалогқа негізделген «шоқ терапиясы» форматында өтті. Жиынға арнайы шақырылған Қостанай облыстық психикалық денсаулық орталығының дәрігер-наркологы Бектемір Шалқар жастармен бетпе-бет жүздесіп, қатерлі дерттің зардаптарын кәсіби тұрғыда талдап берді.
Жиын адамдардың шынайы тағдыры мен есірткінің миды қалай зақымдайтынын көрсеткен «Таңдаудың құны» бейнеролигін тамашалаудан басталып, аудиторияға үлкен ой салды. Әсіресе, «Көрінбейтін тор» психологиялық эксперименті көпшіліктің есінде ұзақ сақталары анық. Ортаға шыққан студентті жіппен орау арқылы тәуелділіктің адам ерік-жігерін қалай тұншықтыратыны көрнекі түрде бейнеленді. Ал жіпке шырмалған жастың одан өз бетінше босап шыға алмауы – есірткіге бастар алғашқы қадамнан сақтану керектігін ұғындырды. «Тәуелділік шеңбері» ойыны барысында студенттер есірткі ұсынылған жағдайларда «ЖОҚ» деп нық айтуды және айналаның психологиялық қысымына төтеп беруді үйренді.
Іс-шара аясында қазіргі заманның басты қаупі – киберқылмыс және «курьерлер» мәселесі де назардан тыс қалмады. Смартфондағы Telegram чаттар мен әлеуметтік желілердегі «оңай ақша» ұсынатын жарнамалардың астарында есірткі саудасы тұрғаны нақты деректермен түсіндіріліп, бұл «жұмыстың» соңы өмірдің ең қымбат шағын 10 жылдан 20 жылға дейін темір тордың артында өткізумен аяқталатыны қатаң ескертілді. Іс-шараның ең әсерлі сәті – «Мен өмірді таңдаймын!» деген ұранмен өткен қорытынды флешмоб болды. Залды толтырған студенттер телефондарының шамын жағып, есірткісіз болашақ үшін бірге екендіктерін білдірді. Бұл жарық – жастардың таза жолды, білім мен жарқын өмірді таңдағанының айқын символы іспетті.
Эльмира ЕЛЬКЕЕВА,
Л.Н. Толстой атындағы
Қостанай облыстық
әмбебап ғылыми кітапханасының
абонементтер бөлімінің
тіркеу, бақылау және жаңа
әдебиеттер секторының кітапханашысы
Думаю, что безо всякой агитации каждый учитель, воспитатель, психолог должен иметь газету «Учительская плюс». Как без неё узнавать, как работают ваши коллеги, что нового в методике преподавания, поделиться своим опытом?
В своё время, будучи завучем средней школы, я обобщала лучший опыт учителей своей школы, знакомила их опытом работы других, и вообще не представляю педагога без настольной газеты «Учительская плюс» и своего предметного журнала, откуда черпаешь все новинки методической работы.
Поэтому совет вам, дорогие молодые коллеги: не опоздайте выписать, не останьтесь без профессиональной помощи газеты «Учительская плюс»!
Мир, в котором живет человек, зависит прежде всего от того, как его данный человек понимает, а следовательно, от свойств его мозга: сообразно с последним мир оказывается то бедным, скучным и пошлым, то наоборот, богатым, полным интереса и величия.
Умный человек и в одиночестве найдёт отличное развлечение в своих мыслях и воображении, тогда как даже беспрерывная смена собеседников, спектаклей, поездок и увеселений не оградит тупицу от терзающей его скуки.
_250x150_3cd.jpg)
