Қиын болса, қоңырау шал

Мемлекеттік тілде оқытатын Заречный мектебінде 26 сәуір мен 3 мамыр аралығында «Егер де қиын болса, жай қоңырау шал!» атты сенім телефонының жұмысы туралы акция ұйымдастырылды.

Ақпараттық-түсіндіру мақсатын көздеген шара барысында Психологиялық қолдау және қосымша білім беру өңірлік орталығының қызметі жайлы да ақпарат берілді. Акцияның мақсаты – 5-11 сынып оқушылары мен олардың ата-аналарына, мектеп педагогтерінің психологиялық сауаттылығын арттыру және психологиялық қолдау көрсету. Психологиялық қолдау және қосымша білім беру өңірлік орталығы ұсынған визиткалары мен буклет жадынамалары арқылы ата-аналар мен білім алушылар, педагогтер консультациялық психологиялық көмек пен күрделі мәселені шешуге жәрдемдесетін, құқықтық көмек көрсететін мәліметтермен танысты.

Іс-шара WhatsApp желісі арқылы ақпараттандыру түрінде, мектептің Instagram парақшаларында және мектеп сайтына жүктеліп, таныстырылды. Оқушыларға сынып бөлмелерінде санитарлық талаптарды сақтай отырып, түсіндіру жұмыстары жүргізіліп, визиткалар таратылды. Ата-аналар мен педагогтерге Facebook желісіне де жадынамалар жарияланып, ұсынылды. Балалар мен ата-аналарға және педагогтерге тәулік бойы сенім телефондары жұмыс істейтіндігі, оның кеңес не болмаса көмек алу үшін таптырмас мүмкіндік екендігі айтылды. Ұйымдастырылған акция – күйзелісте жүрген әр адамға қолдау көрсетіп, адамның өзіне деген сенімділігін арттырып, үміт сыйлайды деген ойдамыз.

Т.Хусайнова,
Мемлекеттік тілде оқытатын
Заречный ЖББМ психологы,
С.Карманова,
әлеуметтік педагогі,
Қостанай ауданы