«Медициналық маска тағуға үндейміз!»

Выпуск - №50 (446) : 22.12.2020

501

Дейді Арқалық қаласындаға Нәзипа Құлжанова атындағы Торғай гуманитарлық колледжінің ерікті жастары. Олар «бетперде тағыңыз» деген жазуы бар стикерлерді Арқалық қаласындағы автокөліктердің артқы әйнектеріне желімдеді.

Акция ұйымдастырушылары осылайша жүргізушілер мен жолаушыларға ой тастауды көздейді. Акция барысында НКО (Нағыз көшбасшылар одағы) еріктілері стикерлерді қоғамдық және такси көліктеріне жабыстырды. Біздің ең бірінші мақсат – қала тұрғындарына пайдалы ақпаратты беру және азаматтардың назарын қарапайым талаптарға аударту. Сол талаптарды орындау оларды қауіпті вирусты жұқтырудан сақтайды.

«Коронавирус инфекциясынан қорғанудың ең қарапайым жолы – бетперде», – дейді еріктілер. Бетперде тағуды насихаттау үшін еріктілер командасы Арқалық қаласындағы орталық базар маңына да барды. Тұрғындарға жабыстырма қағаздармен қатар маска таратылды. Ауқымды жобаны көлік жүргізушілері де қолдап отыр. Алдағы уақытта игі шара басқа мекемелер тарапынан да қолдау табады деген ойдамыз.

Бетперде тағып, карантин талаптарын сақтай отырып, алдымен біз өзіміз жайлы ғана емес, ең жақын жандарымыз, балаларымыз бен ата-аналарымыздың да қамын ойлаймыз. Осыны ұмытпасақ игі. Өзіңіз бен отбасыңызды қорғаңыз, вирусты тоқтатуға көмектесіңіз! Бұл қазір әрқайсымыз үшін маңызды. Еліміз аман, жұртымыз тыныш болсын!