Мектепте өткен келелі конференция

Қазақстан халқы тілдері күніне орай М.Хәкімжанова атындағы №20 орта мектептің «Тіл шамшырағы» қазақ тілі мен әдебиеті мұғалімдері бірлестігінің ұйымдастыруымен қалалық деңгейде конференция өтті.

Атап айтар болсақ, пән мұғалімдері К.Шинбулатова, Ж.Ещанова, А.Бегалина, Г.Тұрмағанбетова, А.Маликова және Е.Қазыбаев ұйымдастырған конференция мектеп базасында құрылған «Көкейтесті» бағдарламасы аясында өтті. Бағдарламаның басты қонақтары – жергілікті айтыскер ақын, қазақ тілінің дамуына үлес қосып келе жатқан тіл жанашыры Салтанат Өтелбаева және мектеп директорының оқу ісі жөніндегі орынбасары, қазақ тілі мен әдебиеті пәнінің мұғалімі Жанаргүл Ещанова болды. Бағдарлама жүргізушісі Айгүл Бегалина қонақтарға қазақ тілінің қазіргі ахуалы жайлы, тілдің дамуындағы басты мәселелер мен оны шешудің тиімді жолдары төңірегінде сұхбаттасты.
Онлайн форматта өткен бағдарлама аясында көрермендерге өскелең ұрпақтың қазақ тіліне деген құрметі жайлы бейнеролик көрсетіліп, қазіргі жастардың қазақ тілін білуге деген ынтасы жайлы шағын қойылым көрсетілді. Сұхбат барысында көрермендерден сұрақтар қойылып, арнайы ән-шашу жолданды. Өзекті тақырып аясында өткен бағдарлама соңында Салтанат Амантайқызына жас ұрпақтың тілін құрметтеуге берген бағыт-бағдары үшін №20 ОМ директоры Канзада Бектібайқызының атынан Алғыс хат табыс етілді. Шараны өткізуге ат салысқан информатика пәнінің мұғалімдері Г.Жаппаспаеваға, А.Хамитке, музыка пәнінің мұғалімі Г.Исмаиловаға бірлестік атынан шексіз алғыс білдіреміз!

Ерасыл ҚАЗЫБАЕВ,
М.Хәкімжанова атындағы
№20 ОМ қазақ тілі мен
әдебиеті пәнінің мұғалімі,
Қостанай қаласы