Облыстық байқау қорытындысы

«Туған өлке – тұнған тарих» ғылыми-зерттеу жобаларының облыстық байқауының жеңімпаздары марапатталды. Жалпы аталған байқауға облыстағы 3 қала мен 13 аудан мектептерінің 10-11 сынып оқушыларынан 44 ғылыми-зерттеу жобасы келіп түсті.

Жоғары сынып оқушыларының өзі тұратын туған өлкесінің, ауылы мен қаласының тарихын білу, оны зерделей отырып, ғылыми-зерттеу қабілеттерін дамыту мақсатын көздеген байқау үш номинация бойынша өткізілді. Олар: «Менің ауданымның (қаламның) ономастикалық атауларының тарихы»; «Ауыл атаулары тарихының ерекшеліктері»; «Елді мекендер көшелері атауларының тарихи-саяси аспектілері». Ғылыми-зерттеу жобалар байқауында А.Байтұрсынов атындағы Қостанай өңірлік университетінің гуманитарлық-әлеуметтік пәндер кафедрасының профессоры, т.ғ.к. С.Исмаилов, дәл осы кафедраның меңгерушісі, т.ғ.м. Г.Нурушева және осы кафедраның аға оқытушысы, ф.м. Ш.Тулегенова ғылыми жұмыстарды зерделеп, ең үздік деген жобалардың жеңімпаздарын анықтады.

Байқау жеңімпаздарын марапаттау жиынында Қостанай облысы әкімдігі мәдениет басқармасының басшысы Қалмақов Ерлан Болатұлы құттықтау сөз сөйлеп, жеңімпаздарға басқарма атынан дипломдар мен Алғыс хаттар табыстады. Сонымен «Менің ауданымның (қаламның) ономастикалық атауларының тарихы» номинациясы бойынша жүлделі І орынды №2 Ұзынкөл ЖББ мектебінің 10-сынып оқушылары Саят Жумасаев, Санжар Акешов, ІІ орынды Арқалық қаласындағы Б.Майлин атындағы №3 ЖББ мектептің 10-сынып оқушысы Ақния Құлажан, ІІІ орынды Б.Майлин ауданындағы Асенкритовская орта мектебінің 11-сынып оқушысы Адель Уразбаева және Қостанай ауданының Тобыл қаласы мектеп-гимназиясының 10-сынып оқушысы Санжар Мукашев иеленді.

Байқаудың «Ауыл атаулары тарихының ерекшеліктері» номинациясы бойынша жүлделі І орынға Әулиекөл ауданындағы №1 Құсмұрын ЖББ мектебінің 11-сынып оқушысы Томирис Темербаева, ІІ орынға Сарыкөл ауданындағы Ө.Сұлтанғазин атындағы ЖББ мектебінің 10-сынып оқушысы Ержан Жақсылық (суретте), Қостанай қаласындағы №15 ЖББ мектебінің 10-сынып оқушысы Асель Ибрай, ІІІ орынға Қарасу ауданындағы Ильичевская орта мектебінің 11-сынып оқушысы Екатерина Назарова және Қостанай ауданындағы Ы.Алтынсарин атындағы орта мектептің 10-сынып оқушысы Адам Михальков ие болды.

«Елді мекендердегі көше атауларының тарихи-саяси аспектілері» атты үшінші номинация бойынша жүлделі І орынды Әулиекөл ауданындағы Құсмұрын орта мектебінің 10-сынып оқушысы Анастасия Квятковская, ІІ орынды Рудный қаласындағы №5 гимназияның 11-сынып оқушысы Виктория Рассказова, ІІІ орынды Қостанай қаласындағы №19 орта мектептің 10-сынып оқушысы Галимжан Турлыбеков қанжығасына байлады. Жүлделі орындарды иеленген оқушылардың ғылыми жетекшілеріне де Алғыс хаттар табысталды.

Гүлнар ТАЛАПОВА,
«Тілдарын» облыстық
тілдерді оқыту орталығы
басшысының орынбасары,
Қостанай қаласы