«Оқитын мұғалім – оқитын оқушы»

Ұлттың рухани және интеллектуалды іргерілеуінің құралы ретінде жастарды кітап оқуға баулу мақсатында республикалық «Оқуға құштар мектеп» жобасы мен Халықаралық кітап сыйлау күні аясында мақала тақырыбымен аттас мектепішілік жоба жүзеге асырылды.

Мектеп оқушысының кітап оқу іс-әрекетін дамыту – Қазақстандағы білімді жаңғыртуда басым бағыттардың бірі саналады. Жобаға №19 мектептің мұғалімдері мен оқушылары белсене ат салысты. Пән мұғалімдері мен оқушылар бірлесе «Кітап сыйлайық!» акциясы, «Оқуға ұмтыл!» READx жобасы, «Оқуға кеңес беремін!» буктрейлер, «Кітап сөресінің жаңалтары» библиофреш, «Оқуға құштарлар!» bookSlam, «Бір кітаптың бейнефисі» сынды түрлі форматтағы іс-шаралар өткізілуде.

Тарих және өзін-өзі тану бірлестігі балалар жазушысы Бердібек Соқпақбаевтың «Менің атым Қожа» атты кітабының бейнефисін өткізді. Іс-шара барысында шығарма авторы мен оқиға желісі анық баяндалып, көрермендерге сахналық қойылым мен бейнебаяндар көрсетілді. Математика және физика пәнінің мұғалімдері сыйлаған жазушы Ілияс Есемберлиннің «Жан сырым», Т.Тілеубайдың «Тәуелсіздік – тұмарым» және ақын С.Оспановтың «Дүлділ дүние-ай!» атты кітаптары, сондай-ақ, мұғалімдерге арналған әдістемелік нұсқаулар Т.Сейсенбайдың «Көркем шығарманы әдеби-теориялық талдау», «Математикалық сауаттылық» жинағы кітапхана қорын толықтырды.

Қазақ тілі мен әдебиеті пәні бірлестігінің мұғалімдері жергілікті ақындарымыз Ж.Баязидің өлеңдер жинағы мен С.Оспановтың «Жайсаңдар айтқан жарқын сөз» кітабын және әйгілі жазушылар Ж.Аймауытовтың «Ақбілек» романы мен О.Бөкейдің шығармалар жинағы, сонымен қатар халықтың қазынасы саналатын «1001 мақал-мәтел» жинағын кітапханаға сыйлады. Ал ағылшын тілі бірлестігінің мұғалімдері сыйлаған «Менің алғашқы әліппем» балаларға арналған энциклопедиясы, «Сказки для малышей» кітабы, жазушы Джек Лондонның «Зов предков», Жюль Верннің «Таинственный остров», Артр Хейлдің «Аэропорт» атты ағылшын тіліндегі кітаптары кішкентай оқырмандарды қуанышқа бөледі.

Жадра САРМУРЗИНА,
№19 ЖББМ ағылшын
тілі пәнінің мұғалімі,
Рудный қаласы