«Өрлеудің» даму жоспары бекітілді

Қазіргі әлем мен білім беру саласындағы қарқынды өзгерістер жағдайында жүйені стратегиялық тұрғыдан дамыту – әсіресе педагогтердің кәсіби өсуіне баса назар аудару – ерекше маңызға ие.

Күні кеше маңызды оқиға орын алды: Қостанай облыстық «Өрлеу» филиалының жаңартылған Ғылыми кеңесі 2029 жылға дейінгі даму бағдарламасын ресми түрде бекітті. Кеңес құрамына ғалымдар, мектеп директорлары, практик-педагогтер мен институт қызметкерлері енді. Бұл оқиға Институттың кәсіби дамуының жаңа кезеңінің бастамасы болды.

Бағдарлама ашықтық пен серіктестік қағидаттарына сүйене отырып әзірленді. Фокус-топтар, сұхбаттар мен стратегиялық сессиялар барысында стейкхолдерлер, педагогтер, сондай-ақ білім беру ұйымдарының басшылары мен серіктестер көзқарастарын білдіріп, болашақ дамудың нақты, шынайы әрі шабыттандыратын бағытын айқындауға атсалысты.
Даму стратегиясы 7 негізгі бағытты қамтиды. Негізгі басымдық – стратегиялық басқару үлгісіне көшу және ішкі процестерді трансформациялау. Осы аталған мақсаттар кафедралар мен бөлімдер деңгейіне дейін каскадталып, жаңа қызмет түрлерін жобалау, барлық бизнес-процестерді бірыңғай цифрлық платформаға біріктіру, рефлексия мәдениетін қалыптастыру, жобалық және стратегиялық тәсілдерді дамыту арқылы іске асады.
Бағдарламада Expect – Inspect – Direct – Respect – Reflect қағидаттары болашақ дамудың әдіснамалық негізі ретінде ұсынылған. Зерттеушілік қызметті дамытуға ерекше назар аударылды: эпизодтық зерттеулерден жүйелі ғылыми-әдістемелік жұмысқа көшу көзделген. Бекітілген даму бағдарламасы – жай құжат емес, сапалы педагогикалық өсуді қамтамасыз етуге арналған нақты практикалық құрал. Бұл стратегия тек Институттың ішкі әлеуетін арттырумен шектелмей, бүкіл Қостанай облысы педагогтерінің кәсіби дамуын жүйелі түрде қолдауға бағытталған.

Зарина ЖИЛКИБАЕВА,
«Өрлеу» БАҰО» АҚ Қостанай облысы
бойынша филиалының
жетекші маманы – баспасөз хатшысы