Республикадан жүлдемен оралды

Выпуск - №3(551) : 24.01.2023

563

«Дарын» республикалық ғылыми-практикалық орталығының жұмыс жоспарына сәйкес, сондай-ақ «ZERDELI» ЖШС базасында бастауыш сынып мұғалімдеріне арналған республикалық «Алтын тұғыр» математикалық олимпиадасының шешуші кезеңі өтті.

Олимпиада мұғалімдердің зерттеу және шығармашылық әлеуетін жүзеге асыруына жағдай жасау, математиканы оқыту процесін жетілдіру, жоғары кәсіби мұғалімдерді анықтау және қолдау, математикадан олимпиадалық есептерді шешуде мұғалімдердің біліктілігін жетілдіру мақсатын көздеді. Аталған «Алтын тұғыр» республикалық олимпиадасына облысымыздан 8 бастауыш сынып мұғалімдері қатысты.

Үш педагог Науырзым, Алтынсарин, Меңдіқара аудандарынан болса, бес педагог Рудный, Лисаковск, Қостанай және Арқалық қаласынан болды. Науырзым ЖББ мектебінен Қарымсақова Жаңыл Серикбаевна қатысып, «Алтын тұғыр» республикалық математикалық олимпиадасының қорытындысы бойынша ІІ орынды қанжығасына байлап келді. Ұстазды шын жүректен құттықтай отырып, шығармашылық табыс тілейміз!

Қанымкүл ВАЛИЕВА,
Науырзым ауданы
білім бөлімінің бастауыш
сынып әдіскері