Учительская плюс
Областная еженедельная общественная информационно-образовательная газета
Календарь
26/04/24 Пятница
Строительный кітапхана-филиалы «Бір ел – бір кітап» республикалық акциясы аясында қаламыздағы «Строитель» ықшам ауданының балаларына «Даналар жолы – халық мұрасы» атты акциясын ұйымдастырды.
2021 жылғы «Бір ел – бір кітап» республикалық акциясы ел тәуелсіздігінің 30 жылдығына арналды. «30 кітап – Тәуелсіздіктің 30 жылдығына» рухани-мәдени акциясы ұсынылды. Танымал қазақстандық авторлардың поэзия, проза, драматургия, балалар әдебиеті және аударма саласындағы 30 үздік шығармасы жалпыхалықтық оқуға іріктелді.
«Даналар жолы – халық мұрасы» акциясында балалар «Бір ел – бір кітап» акциясының шығу тарихы жайлы толық мәлімет алды және 30 кітаптың ішіне енген Бердібек Соқпақпаевтың «Жекпе-жек», Толымбек Әбдірайымның «Алабұға аулаған күн», Марат Қабанбаевтың «Жиһанкез Тити» туындыларымен танысып, Зира Наурзбаева және Лиля Калаустың шым-шытырық оқиғалар жанрында жазылған, қиялына қанат бітіретін «Алтын тостағанды іздеу» хикаятынан дауыстап үзінділер оқыды.
Аталған шығармалар жас оқырмандардың кітапқа деген қызығушылықтарын оятты. Қандай да бір елдің рухани мәдениеті, әдебиеті мен өнері, ғылым мен техникасы ұлттық құндылықтарының мәніне ие болады және өскелең ұрпақтың азаматтық, отаншылдық, рухани адамгершілік жан дүниесінің қалыптасуына белсенді түрде ықпал етеді. Бұл – бұлтармас шындық.
Г.Абдрахманова,
«Строительный» кітапхана-
филиалының кітапханашысы,
Қостанай қаласы
Я никогда не учу своих учеников, я пытаюсь только обеспечить условия, в которых они смогут учиться. Учителю необходимо узнать об интересах ученика, увидеть в нём потенциал и бросить все силы на его развитие. Причём сделать это так, чтобы ребёнок хотел учиться и мог это делать.
