Тіршілікті аман сақтайық

Выпуск - №23 (419) : 10.06.2020

185

Қостанай қаласындағы «Строительный» кітапхана-филиалының қызметкерлері «Жеңіс саябағында» қала тұрғындарымен «Жер бетіндегі тіршілікті сақтайық» атты акция ұйымдастырды.

Бүгінде адамзатты алаңдатып отырған үлкен мәселенің бірі – табиғаттың, жалпы бізді қоршаған ортаның жай-күйі. Адамның күнкөріс көзі болған табиғатты ластамай, керісінше жас ұрпаққа оны қорғауды, таза ұстауды үйрету қажет. Табғат ластанып жатса, оның негізгі себепшісі – адам екенін ұмытпауымыз керек. Сондықтан да қай-қайсымыздың да мақсат-міндетіміз – жастардың экологиялық ойлауын қалыптастырып, экологиялық тәрбие беру.

Осы межені орындауға бағытталған акция барысында кітапханашы балаларға табиғаттағы экологиялық проблемалар жайлы мәлімет берді. Ең әуелі балалардан экологияның не екендігі жайлы, аталмыш ұғымның мәнін қалай түсінетіндігі сұралды. Қоршаған ортаға, табиғаттағы тірі ағзаларға байланысты қойылған сұрақтарға тұшымды жауап та ала білдік. Кітапханашы балаларды табиғатты сүйе білуге, оны бүлдірмеуге және ұқыптылыққа шақырды. Ұйымдастырылған акция балалардың қызығушылығын арттырды. Саябаққа жиналған балаларға арнайы дайындалған жадынамалар мен парақшалар таратылды.

Эльмира МИРЗАЛИЕВА,
«Строительный»
кітапхана-филиалы
қызметкері,
Қостанай қаласы