Төл теңгеге – 30 жыл

Қарашаның 15-індегі Ұлттық валюта күніне орай, Қостанай қаласындағы «Западный» кітапхана-филиалында №6 жалпы білім беретін мектеп оқушыларымен «Теңге – ұлттық табыстың кепілі» атты сайыс өтті.

Тағылымды шараға Қазақстан Ұлттық банкінің өкілдері қатысып, балаларды «теңге» ұлттық валютасының пайда болу тарихымен, ерекшеліктерімен таныстырды. Слайдтардың арқасында балалар алғашқы теңгелер мен тиындарды көріп, ұлттық валюта дизайнерлерінің есімдерін білді, Қазақстанның естелік монеталарымен танысты. Артынша қатысушылар екі топқа бөлініп, әр топ қойылған викториналық сұрақтар мен жұмбақтардың жауабын дұрыс тауып, мақтау қағаздарымен марапатталды. Ал, Ұлттық банк өкілдері балаларға кәде-сый монеталарын табыстады. Жиын соңында «Теңгенің шығу тарихы» туралы қысқа бейнематериал көрсетіліп, «Теңге – тәуелсіздік тұмары» атты кітап көрмесіне шолу жасалды.

Гульбахыт ИСАГУЛОВА,
«Западный» кітапхана-
филиалының кітапханашысы,
Қостанай қаласы