Туған елім – Қазақстан

Бүгінде Қазақстан – көп елдермен терезесі тең, елдік рәміздері анық, мәртебесі беделді мемлекет. Қазанның 25-і – Республика күніне орай №13 балабақшада салтанатты іс-шара өткізілді. Балалар мерекеде түрлі тақпақтар мен әндерін, билерін паш етті.

Мерекелік шара аясында балалардың жас ерекшілігін ескере отырып, қызықты ойындар ұйымдастырылды. Баланы балабақшадан туған жерін, туған елін, халқын ардақтап өтуге үйрету, бақытқа жетелер жолдың бірі – Отанды сүюден басталатынын түсіндіру назарға алынды. Отанға деген баланың патриоттық сезімдерін ояту үшін мерекелерде ту, елтаңбаны көрсетіп, дана тұлғаларымыздың суреттерін ілу, оларды үлгі ету керек. Сондықтан да өзінің Отанын мақтан ететін, туған халқының тілін, мәдениетін, салт-дәстүрін қастерлейтін саналы да парасаты азаматтарды тәрбиелеу біздің қолымызда.

Елінің туын, елтаңбасын, әнұранын қастерлеуге, өз елін, тегін, тарихын білуге тәрбиелеудің маңызы зор. Қазақстан Республикасына деген әрбір азаматтың мақтаныш сезімі мереке кезінде қалай болса да шалқитындай реті бар. Елімізде халықтар достығы жақсы сақталып келеді. Ел бірлігін сақтауда татулықтың үлкен байлық екендігін бүгінде Қазақстан халқы айқын сезінеді. Біз туған мемлекетіміздің тәуелсіздгін баянды етуге, қуаттын артыруға, оның игілігіне, халықаралық қоғамдастықта абыройының өсуіне адал қызмет етуге міндеттіміз.

Алтынай АБИЛОВА,
№13 б/б тәрбиешісі,
Қостанай қаласы