Туған жерге мың тағзым

«Западный» кітапхана-филиалының қызметкерлері Республика күніне арналған «Қазақстан – туған жерім, туған елім!» атты кездесу өткізді. Іс-шара ҚР Мемлекеттік әнұранымен басталып, кітапханашы студенттерге Республика күнінің тарихы туралы мәлімет берді.

Кездесуге А.Байтұрсынұлы атындағы Қостанай өңірлік университетінің Өнер кафедрасының аға оқытушысы, әнші, домбырашы, Шабыт сыйлығының лауреаты Наурызбай Амирхамзин және айтыскер-ақын, «Жайдарман» лигасының жетекшісі Бақытжан Алкебаев шақырылды. Олар егемен елімізге қосқан жетістіктері туралы айтып, жастарға патриоттық рух сыйлады. Бақытжан Абайұлы туған елге, жерге арнап шығарған өз туындыларын оқып, тыңдармандардың ықыласына бөленді. Наурызбай Хасенғалиұлы мерекеге арнап ән-күйлерін тарту етті. Студенттер қонақтарға өздерін қызықтырған сұрақтарын қойып, ашық диалогқа қатысты. Кездесу барысында кітап көрмесіне шолу жасалып, жастардың кітапханаға деген қызығушылығы арта түсті.

Шолпан АБИЛЬТАЕВА,
«Западный» кітапхана-филиалының қызметкері,
Қостанай қаласы