Тың ардагеріне құрмет

Выпуск - №43(591) : 23.11.2023

528

«Западный» кітапхана-филиалында ауыл шаруашылығын дамытуға елеулі үлес қосқан тың игеруші танымал механизатор, Социалистік Еңбек Ері Кәмшат Дөненбаеваның 80 жылдығына орай «Тың ардагері» атты іс-шара өтті.

Аталған шараға ҚИнЭУ кәсіпкерлік колледжінің студенттері қатысты. Кітапханашы батыр апамыздың көп жылғы сіңірген еңбегіне тоқталып өтті. Тұңғыш тракторшы қыздың еліне істеген ерен еңбегі, жетістіктері, марапаттары туралы слайд және «Камшат» көркем фильмінен үзінді көрсетілді. Қазақтың қайсар қызы жайлы ұлтымыздың көрнекті ақыны Фариза Оңғарсынованың «Қазақтың бір қызы бар Кәмшат деген» поэмасы, жергілікті ақын Мариям Хәкімжанованың «Кәмшат туралы баллада» деп аталатын жыр жолдарын студенттер мәнерлеп оқыды. Артынша «Өмір – дастан» атты тақырыптық сөреге шолу жасалды.

Шолпан АБИЛЬТАЕВА,
«Западный» кітапхана-
филиалының қызметкері,
Қостанай қаласы