«Үздік педагог-2021»

Осындай атауда «Алпамыс» бөбекжай-балабақшасында байқау өтті. Оған балабақшаның 7 педагогі қатысты. Қатысушылар өздерін таныстырып, ситуациялық сұрақтарға жауап беріп, өнерлері мен сән үлгісін көрсетті.

Барлық педагогтер өздерінің шеберліктерін, жұмыс тәжірбиесін, шешендік қабілеттерін, педагогке сай биязы мінездерін көрсетіп, өздерін сан қырынан танытты. Сайысқа Арқалық қалалық білім бөлімінің әдіскері М.Калиева, балабақша меңгерушісі Р.Садыкова мен балабақша медбикесі М.Сакупова төрелік жасады. Әділ қазылар алқасы байқауға қатысқан педагогтердің сан қырлы екеніне көз жеткізіп, өз өнері бойынша Т.Адилованың ерекше орындаған «Ана» туралы поэзиясы мен А.Дуйсенбинаның орындауындағы «Қос бәйтерегім» әніне жоғары бағасын берді. Сайысқа қазылық ету барысында педагогтердің шеберліктеріне және кәсібиліктеріне баса мән берілді.

Қазылар алқасының шешімі бойынша балабақшамыздың музыка жетекшісі А.Дүйсенбина Бас жүлдені жеңіп алып, жеңімпаз атанды. Ал І орынды «Ербатыр» ересектер тобының тәрбиешісі Г.Кенжебаева иеленсе, ІІ орынды «Ертарғын» ортаңғы тобының тәрбиешісі Ж.Баязитова, ал жүлделі ІІІ орынды «Ерқанат» ортаңғы тобының тәрбиешісі Г.Шалдыбай иемденді. Сонымен қатар «Сөзге ұста – ойға шебер педагог» аталымына Т.Адилова, «Сымбатты педагог» аталымына А.Асылбекова, «Өнерлі педагог» аталымына М.Абдибекова ие болды. Тартысты байқау өз мәресіне жетіп, байқау жеңімпаздары мен жүлдегерлеріне Диплом мен бағалы сыйлықтар табысталды.

Г.Шалдыбай,
«Алпамыс» б/б тәрбиешісі,
Арқалық қаласы