Учительская плюс
Областная еженедельная общественная информационно-образовательная газета
Календарь
27/04/24 Суббота
«Западный» кітапхана-филиалының қызметкерлері, Наурыз мерекесіне орай, Аэропорт шағын ауданындағы Әлихан Бөкейхан атындағы ЖББ мектептің оқушыларымен «Наурызым – құт-береке, молшылығым» атты театрландырылған шолу өткізді.
Кітапханашы оқушыларды ата-бабаларымыздың кейінгі ұрпаққа мирас еткен асыл мұрасын қадірлеп, қастерлеуге, халқымыздың салт-дәстүрлерін сақтап, дәріптеуге баулып қана қоймай, мерекенің шығу тарихы туралы толық түсінік беріп өтті. Артынша білім алушыларға Ұлыстың ұлы күнінде жасалатын «Қырқынан шығару», «Бесік той», «Тұсаукесер», «Сырға салу», «Бет ашар», «Қыз ұзату» салт-дәстүрлері туралы айтылып, «Көрісу», «Аластау» дәстүрлері көрсетілді.
Әрмен қарай тағылымға толы іс-шарамыз ұлттық ойындарымен жалғасын тауып, оқушылар «Асық ойыны», «Сақина шық», «Қол күрес», «Бес тас» ойындарын ойнап, өнерлерін де ортаға салды. Ән де шырқады, викториналық сұрақтарға да жауап берді. Іс-шараның соңында «Берекелі Наурыз» тақырыптық сөресіне шолу жасалды. Осылайша тағылымды жиыннан жас ұрпақ мол мағлұмат ала білді деп сеніммен айтуға болады.
Шолпан АБИЛЬТАЕВА,
«Западный» кітапхана-филиалының қызметкері,
Қостанай қаласы
Я никогда не учу своих учеников, я пытаюсь только обеспечить условия, в которых они смогут учиться. Учителю необходимо узнать об интересах ученика, увидеть в нём потенциал и бросить все силы на его развитие. Причём сделать это так, чтобы ребёнок хотел учиться и мог это делать.
