Ұстаздардың табыс формуласы

Жданов жалпы білім беретін мектебінің ұстаздары Қостанай ауданы мұғалімдері бас қосқан «Табыс формуласы» өңірлік форумына қатысты. Іс-шара Заречный мектеп-лицейінің қабырғасында өтті.

Білім ордасы форум қатысушыларын үлкен құрметпен қарсы алды. Тағылымды жиынның шымылдығы тамаша ән шашумен ашылып, Қостанай ауданы білім бөлімінің орынбасары сөз сөйлеп, форумға қатысатын мұғалімдерге сәттілік тіледі. «Табыс формуласы» деген үлкен атауға ие форум бірнеше секцияларға бөлінді: «Жастардың көзқарасы» конференциясымен қатар «Педагогикалық бастамалар», «Табысқа жету жолы бізден басталады», «Кітап. Уақыт. Біз», «Үздік тәлімгер» және «Білім берудегі менеджмент» байқаулары, сондай-ақ «Қазіргі қоғамдағы мұғалім» пікірталасы.
Біздің Жданов жалпы білім беретін мектебінің мұғалімдері соның үш секциясына қатысты: «Жастардың көзқарасы» конференциясына Асқар Айдана Жұмабекқызы, «Табысқа жету жолы бізден басталады» байқауына мен – Кенжегуль Тулебаевна, «Білім берудегі менеджмент» байқауына Садыкова Асель Асылхановна, Сартонова Бақыткүл Қуанышқызы және Дудина Анастасия Анатольевна. Форум ойдағыдай әрі өте қызықты форматта өтті. Қатысқан мұғалімдер арнайы сертификаттармен марапатталдық. Ал, жас маман Айдана Жұмабекқызы «Жастардың көзқарасы» конференциясына қатысып, бірінші орынға ие болды.

Кенжегуль ЖУМАБАЕВА,
Жданов ЖББМ мектепалды даярлық сыныбының тәрбиешісі,
Қостанай ауданы