Жақсылыққа тағзым

Қостанай қаласындағы «Западный» кітапхана-филиалының қызметкерлері №6 орта мектеп оқушыларымен Алғыс айту күніне арналған «Жақсылыққа тағзым» атты мейірімділік эстафетасын өткізді.

Іс-шара барысында оқушылар мерекенің тарихы, Қазақстанның қалыптасу және даму кезеңдері туралы мағлұматтарды біліп қана қоймай, ұйымдастырылған іс-шараларға белсенді атсалысты. Балалар станциялар бойынша өткізілген «Дене шынықтыру», «Әзіл-оспақ», «Шешіп көр!» атты сайыстарда ептілікпен жарысып, командада жұмыс істеу қабілеттерін шеберлікпен көрсете білді.
Іс-шара соңында кітапханашы Алғыс айту күні – ең алдымен бейбітшілік пен келісім күні екенін, соның арқасында Қазақстанда бейбітшілікпен құрмет орнағанын атап өтті. Қатысушылардың арасында белсенділік танытып, ерекше көзге түскен топ естелік сыйлықтармен марапатталды.

Гүлбахыт ИСАГУЛОВА,
«Западный» кітапхана-филиалының қызметкері,
Қостанай қаласы