Жемқорлық – қоғам дерті

Қостанай облыстық білім басқармасының жұмыс жоспарына сай, облыс әкімі аппаратының бас маманы Петр Павлина мектепке дейінгі ұйым меңгерушілеріне, қызметкерлеріне онлайн форматта облыстық конференция өткізді.

«Білім беру саласындағы сыбайлас жемқорлықтың алдын алу мәселелері» тақырыбында өткен көрференция, аты айтып тұрғандай, білім беру ұйымдарында сыбайлас жемқорлыққа қатысты құқық бұзушылықтардың алдын алу және сыбайлас жемқорлық тәуекелдерін анықтау бойынша басшылардың кәсіби құзыреттілігін арттыруды көздеді. Конференцияға Науырзым ауданындағы мектепке дейінгі 6 ұйымның меңгерушілері мен әдіскерлері, сонымен қатар Науырзым ауданы білім бөлімінің басшысы М.Ахметов және мектепке дейінгі ұйым әдіскері ретінде мен қатыстым.

Онлайн жиын барысында Петр Игоревич сөз сөйлеп, семинарға қатысушыларды білім беру саласындағы сыбайлас жемқорлыққа қарсы саясаттың негізгі бағыттарымен таныстырып өтті. Сөз арасында ол 2023-2024 оқу жылындағы мектепке дейінгі ұйымдардағы оқу-тәрбие процесінің ерекшеліктері туралы баяндап берді. Алысты жақындататын Zoom платформасы арқылы өткен конференция соңында қатысушылармен кері байланыс жүргізіліп, мектепке дейінгі ұйымдардың басшылары тарапынан қойылған сұрақтарға тұшымды жауап берілді.

Қанымкүл ВАЛИЕВА,
Науырзым ауданы білім
бөлімінің мектепке дейінгі
ұйым әдіскері