Жол саласының мамандарына сұраныс жоғары

Кез келген істің сапасы өзінің ісіне шынайы берілген, шебер мамандарға байланысты екені белгілі. Әрине, мамандық таңдар алдында «Оған деген қажеттілік бар ма?», «Мамандар тапшы ма?» деген сұрақтарға да ас мән берген жөн. Бүгінде үлкен маңызға ие мамандықтардың ішінде жол саласының мамандарына сұраныс жоғары.

Мемлекет басшысы Қасым-Жомарт Тоқаев ҚР Парламенті Мәжілісінің отырысында сөйлеген сөзінде: «Жаңа экономика құру үшін жоғары оқу орындарының бәсекеге қабілеттілігін арттыру маңызды. 2025 жылға қарай елімізде беделді шетелдік университеттердің кемінде 5 филиалын ашу қажет деп санаймын. Бұл ретте техникалық еңістігі бар ЖОО-ның екі филиалын еліміздің батысында ашу қажет. Жалпы, бәріміз білімге деген көзқарасты өзгертуіміз керек. Гуманитарлық мамандықтарға әуестену кезеңі өтті, техникалық мамандықтарға басымдық беру керек. Инженерлер мен өнеркәсіпшілердің жаңа буынын өсіру қажет», – деп атап өтті.

«Жол активтерінің ұлттық сапа орталығы» РМК Қостанай облыстық филиалы жол саласы мамандығына жастардың бетбұрыс жасау үшін кездесулер өткізіп келеді. Екі жыл бұрын аталмыш орталықтың Қостанай облыстық филиалының қызметкерлері «1000 мектеп» акциясын қолға алған еді. Нәтижесінде бүгінде республика бойынша 7391 мектептің 2542-сі қамтылды. Сондай-ақ онлайн-режимде бірден 600 оқушымен кездесу өткізілді. Қостанай облысында өткен жылы 93 мектеп қамтылды. Оған қоса мекемеде 2020-2021 жылдары бірнеше ақылы тәжірибеден өтті. Оның ішінде мамандық иесі атанып, маусымдық жұмысқа қабылданғандары да бар. Президент тапсырмасы аясында орталық жұмыстардың жандана беретіндігін де айтып отыр.

Еділхан ХАМЗИН
№15 ЖББМ информатика
пәнінің мұғалімі,
Қостанай қаласы