Тәуелсіздік – тірегім

А.Құнанбаев атындағы мектеп-гимназия «Біртұтас тәрбие» бағдарламасын жүзеге асыру аясында Восточный мен Фурманов ауылдарына «Тәуелсіздік – тірегім, Қазақстан – жүрегім» тақырыбында көшпелі мерекелік концерт ұйымдастырып, өнер көрсетіп қайтты.

ҚР Тәуелсіздік күніне орай ұйымдастырылған бұл іс-шараға А.Құнанбаев атындағы мектеп-гимназиядан 40 өнерпаз қатысты. Ауыл мен қала мектептерінің өнерпаздары бір-бірімен етене араласып, өнерлерін ортаға салды. Мақсаты – ҚР Тәуелсіздік мерекесін ұлықтау, оқушыларды патриоттық рухта тәрбиелеу және олардың жанашырлық сезімдерін арттыру.

Концертке мектебіміздің «Өрімтал» үйірмесінің мүшелері, республикалық ән байқауының лауреаттары Амина Бертағы, Ақниет Болат, Жайдары Қайрат, Дарын Қайрат және «Домбыра дастан» үйірмесінің өнерпаздары, республикалық домбыра байқауының жеңімпаздары Абай Сабыржан мен Аруна Атлант қатысты. Мерекелік концертті тамашалауға келген көрермендерге ұмытылмас көңіл-күй сыйлап, үлкен ықыласқа бөлендік.

Динара КАЙДАУЛОВА,
А.Құнанбаев атындағы мектеп-гимназия
директорының тәрбие ісі жөніндегі орынбасары,
Арқалық қаласы