Ақын Абай әлемнің тілінде

Абай Құнанбайұлының шығармаларын насихаттау мақсатында Ы.Алтынсарин атындағы Обаған орта мектебінден үш тілде (қазақ, орыс, ағылшын) өлеңді мәнерлеп жатқа оқудан байқау өткізілді.

Қазақстан жастар фракциясы қолға алған «Абай – әлемнің тілінде» атты мәнерлеп оқу сайысы қазақтың ұлы ойшылы, ақын, композитор Абай Құнанбаевтың өмірі мен шығармашылығын насихаттау, ұлттық мәдениетке деген қызығушылықты қалыптастыру мақсатында өтті.
Ақынның шығармаларын қазақ тілінде 11-сынып оқушысы Шолпан Оразбаева, 9-сынып оқушысы Альмира Қасқырбаева, 8-сынып оқушысы Дариға Жолдыбекова, орыс тілінде мәнерлеп оқу бойынша 5-сынып оқушысы Ислам Қуантаев және ағылшын тілінде 10-сынып оқушысы Ботагөз Берекеқызы мен 6-сынып оқушысы Данияр Кенжетай мәнерлеп оқыды. Нәтижесінде барлық оқушылар диплом және смарт сағат иеленді. Қорыта айтатын болсам, мақсатымыз – үштілді меңгерген, өрісі биік ел ертеңін тәрбиелеу. Жеңімпаздарға алар асуларың биік болып, жеңістерің көп болсын деп тілеймін.
Абай қазақ поэзиясының өсіп, гүлденіп, жаңа сапаға жетуі жолында зор еңбек етті. Ол халқымыздың мақтанышы ғана емес, біздің ұлттық ұранымыз, ұлттық идеологиямыз. Оның өлмес мұрасын алдымен өзіміз танып, сосын әлемге таныту – біздің ғұмырлық парызымыз. Абайдың туғанына 175 жылдан астам уақыт өтсе де, оның еңбектері халық жадында сайрап, оған нұрлы өмірге жол көрсетіп тұр.

Индира АДАЕВА,
Ы.Алтынсарин атындағы
Обаған орта мектебінің
ағылшын тілі пәні мұғалімі,
Алтынсарин ауданы