«Әлем мұғалімі» жаһандық сыйлығына үміткер

Елордада «Қазақстан мұғалімі» ұлттық сыйлығының ТОП-10 финалисі анықталды. Үздіктер қатарына NIS-тің үш мұғалімі енді. Солардың бірі – Қостанай қаласындағы NIS-тің мұғалімі Александр Шерцер.

– Ұстаз – ғажап мамандық, болашақты құрушы. Себебі, ұстаз әлемге жаңа Эйнштейнді, Тьюрингті немесе атақты авиациялық инженерді сыйлауы немесе балаларды жай ғана ақылды, ізгі, ашық болуға тәрбиелеп, өсіруі де мүмкін. Өз басым көп дүниені ұстаздарымнан үйрендім, одан да көбірек достарымнан, бірақ ең көп нәрсені отбасым мен оқушыларымнан алдым, – дейді Александр Иванович. – Ең алдымен, «Қазақстанның үздік ұстазы» – бұл халықаралық Global Teacher Prize конкурсының республикалық кезеңі, Варки қоры тағайындайтын марапат, оны журналистер педагогикалық қызмет үшін берілетін Нобель сыйлығы деп атайды.
Аталмыш конкурсқа дайындық – бұл педагогикалық тәжірибені жинақтау, сондай-ақ әлем азаматтарын дамытуға және ұстаздың халықаралық қоғамды дамытудағы әлеуметтік рөліне назар аударуға негізделген. Халықаралық кезеңге қатысу үшін материалдарды жүктеу желтоқсанның 9-ына дейін ашық. Александр Шерцер, өз кезегінде, «Әлем мұғалімі» жаһандық сыйлығына өтініш қалдырып, қатысуды жоспарлап отыр.

Әсел ҚИБАШ,
Қостанай қаласындағы
НЗМ PR-маманы