Амангелді ауданында жаңа инклюзивті қолдау кабинеті

Б.Қолдасбаев атындағы жалпы білім беретін мектебінде инклюзивті қолдау кабинеті ашылды. Кабинеттің ашылуына аудан әкімі Талғат Карбозов, білім бөлімінің басшысы Мұрат Дихамбаев, мектеп директорлары мен ұстаздар қауымы қатысты

Жиналғандарға осы мектептің директорының инклюзивті білім бойынша орынбасары Жадыра Оспанова кабинеттің ішіндегі жаңа мүмкіндіктер қарастырылған оқыту құралдарымен таныстырды. Балалардың жан жақты оқуына жағдай жасалынып отыр. Осы бағытта жұмыстар жалғасын таба беретін болады.Балалармен 4 педагог жұмыс жасайды. Арнайы білімі бар педагог-логопед, педагог-психолог, педагог-дефектолог, педагог-ассистент мамандары бар.

Бұл кабинетте сенсорлы моторика, ұсақ моторикалармен жұмыс жасайтын. физикалық сергіту жаттығу орталығы, оқу орталығы, цифрлық бағыттағы құрылғы ілімдері қарастырлған жабдықтар бар. Алдағы уақытта физикалық емдеу орталығына арнайы жабдықталған бір кабинет ашылуына мүмкіндік берілсе деген ұсыныстары да жоқ емес. Аталмыш кабинетте ерекше білімді қажет ететін 6-9 жас аралығындағы 8 бала оқиды.

Ел Президенті Қасым-Жомарт Кемелұлы Тоқаев биылғы жылы Балалар жылы ретінде жариялап, оларды қолдауда денсаулық сақтау, білім беру, әлеументтік бағытта нақты шараларды қолға алу қажеттігін атап өткен болатын. Жыл ішінде ауданымызда футбол алаңы, оқу кәбинеттері, саябақтар қолданысқа берілсе, инклюзия кабинетінің ашылуы балалардың болашағы жолында жасалған үлкен тарту болды.

Әнет ЖҰМАБЕК,
«Шұғыла» БЖШО
Көркемдік жетекші,
Амангелді ауданы