Артық ғылым кітапта...

Выпуск - №10 (457) : 11.03.2021

574

«Қостанай дарыны» өңірлік ғылыми-практикалық орталығы ауыл мектептердің 7-9 сынып оқушылары арасында «Кітап – асыл қазына» атты классикалық әдебиет шығармаларын оқудың облыстық байқауын ұйымдастырды.

Байқауға Ы.Алтынсарин атындағы Обаған жалпы білім беретін мектебінің 7-9 сынып оқушылары арасында Даниель Дефоның «Робинзон Крузо» атты шығармасын оқып, облыстық кезеңде жеңімпаз атанған оқушыларымызды құттықтай отырып, аты-жөндерін атап өткенді жөн көріп отырмын. 7-сынып оқушылары Жансая Кұрманғалиева мен Әйгерім Қойшығарина, 8-сынып оқушылары Сабина Қасқырбаева, Ақбота Тастанова, Дариға Жолдыбекова, Делшат Ерлан, Аяулым Қойшығарина және 9-сынып оқушылары Альмира Қасқырбаева, Дидар Серікбай, Қайрат Жұлдызбай.
«Кітап – білім бұлағы, білім – өмір шырағы», «Білімдінің күні жарық, білімсіздің күні кәріп» дегендей, надан, білімсіз көрсоқыр болсаң көрер күнің қараң. Сондықтан да әрбір адам мүмкіндігінше зейінін кітапқа аударса жөн. Ыбырай Алтынсарин мектеп салдыртты, Абай Құнанбаев шығармалары арқылы оқу-білімге шақырды, Міржақып Дулатов «Оян қазақ» кітабын жарыққа шығарып, халқын оятуға тырысты емес пе? Басты рухани байлық – кітапта екенін ұмытпайық.

Гүлзат АЛИМОВА,
Ы.Алтынсарин атындағы
ЖББМ қазақ тілі мен
әдебиеті пәнінің мұғалімі,
Алтынсарин ауданы