Учительская плюс

Областная еженедельная общественная информационно-образовательная газета
Календарь
29/11/22 Вторник

«Белесі биік Би-аға» онкүндігі өтті

Выпуск - №45 (542)   :   20.11.2022
299

Бейімбет Майлиннің 128 жылдығына орай мектебімізде «Белесі биік Би-аға» онкүндігі өтті. «Біздің Би-аға» портреттік сабақтарынан бастау алған іс-шарамыз Бейімбеттану кабинетінің ашылу салтанатымен жалғасты.

Қаламыздың ұстаздары үшін «Белесі биік Бейімбет» тақырыбында педагогикалық оқу өтті. Аталған іс-шарада ұстаздар озық ойдан түйін жасап ой бөлісті. Іс-шарамызға Ы.Алтынсарин атындағы облыстық мұражайы «Бейімбеттің биік тұлғасы» жылжымалы көрмесімен келді. Сондай-ақ оқушылардың қолынан туған шығармашылық жұмыстардың тұсаукесерлері, «Зерделі сөздің зергері – Бейімбет» буктрейлері, лепбук, макет, кубик-драйверлер жобалық қорғаулары, өмір шындығынан өріс тапқан қолөнер, шығармашылық сахналық қойылымдары мен «Бейімбеттің биігі» оқушылар арасында мәнерлеп оқу шеберліктері көрермен жүрегінен орын алды. «Әдеби экспресс» квест ойынына қатысып оқушылар «Үздік ТЕDx шебері», «Үздік тіл шеберлері» номинациясын иеленді. Табысты мектептің Би-аға жұлдыздарына айналған шабытты шәкірттері мен табысты күндері мол болғай.


Роза АХМЕТОВА,
Б.Майлин атындағы
№7 мектеп-гимназиясы
директорының тәрбие
ісі жөніндегі орынбасары
Рудный қаласы

Б.Майлин атындағы №7 мектеп-гимназиясында Бейімбет Майлиннің 128 жылдығына орай 8-9 сынып оқушылары мектеп мұғалімдерімен бірлесе қара сөздің қас шебері атанған Б.Майлин әңгімелері негізінде қойылымдар көрсетілді.

XX ғасырдағы қазақ әдебиетінің аса көрнекті өкілдерінің бірегейі — Бейімбет Майлин. Ол поэзия, проза, драматургия жанрларында өнімді еңбек етіп, өз дәуірінің шындығын, қазақ елінің, әсіресе ауыл адамының санасындағы өзгерулер мен жаңаруларды, халықтың бастан кешірген күрделі оқиғаларын, әлеуметтік өмірдің шытырман қайшылықтарын көрсетті.

Кеңестік заманның алғашқы жиырма жыл ішіндегі қоғамдық құбылыстардың еңбекші адамға тигізген әсерін, қазақ халқының ғасырлар бойында қалыптасқан тұрмыстық, салттық болмысының, шаруашылық, кәсіптік негізінің жойылып, оның орнына жаңа қүрылымдардың табиғи орын теуіп болмаған кезеңінің сыры мен мұңын шебер суреттеді.

Оқушылардың театрлық қойылымдарда ойнау шеберлігінде шек жоқ. Олар қазақ қоғамының ескілікте көтерілген өмірлік мәселелерін «Күлпаш», «Сары ала тон», «Маржан», «Дәмештің хаты», «Шұғаның белгісі», «Сары май», «Қарашелек», «Ақ тоқты» шығармаларынан үзінділерді қою арқылы сомдады. Қойылымның безендірілуі, актерлердің киімі мен ойнау шеберлігі көрерменнің көңілінен шығып, ықыласқа бөленді.


Аяжан МАЛИКОВА,
Б.Майлин атындағы
№7 мектеп-гимназиясының
9 «Ә» сынып оқушысы,
Рудный қаласы

Реклама