Берік ірге бастауыштан

Бар білімнің бастауы болған бастауыш сыныпқа үлкен маңыз берілген. Бұл сөзіме жақында өткізілген республикалық деңгейдегі бастауыш сынып мұғалімдерінің съезі дәлел болса керек. Біздің №2 Қашар ЖББ мектебінде де арнайы апталық өтті.

Мектебіміздегі бастауыш сынып әдістемелік бірлестігінің апталығының тақырыбы: «Білім негізі – бастауышта». Жаңартылған білім беру мазмұны аясында оқушылардың функционалды сауаттылығын арттыру, сабақта алған білімдерін дамытуды көздеген шара сыныптан тыс жұмыстар арқылы оқушылардың қызығушылығын арттыру мақсатын да негізге алды. Апталық аясында ашық сабақтар өткізіліп, оған бастауыш сынып оқушылары мен мұғалімдері белсене ат салысты.

Апталықтың ашылунда көптеген іс-шаралар жүзеге асырылды. Әр мұғалім оқушыларды рухани байыту мақсатында өзіне берілген жоспар негізінде жұмысын жүргізді. Ал барлық өткізілген іс-шаралардың қорытындысы ретінде өткен жабылу салтанатын әдістемелік бірлестік жетекшісі П.М. Турманова жүргізді. Онда апталыққа белсенді қатысып, өткізілген мәнерлеп оқу, көркем жазу, таза күнделік сайыстарында орын алған оқушылар марапатталды. Білімнің берік іргесі бастауыштан қаланатындықтан, оқушыларға үлкен жеңіс, мұғалімдерге табыс тілейміз.

Набира БЕКЕТАЕВА,
№2 Қашар ЖББМ
үйірме жетекшісі,
Рудный қаласы,
Қашар кенті