Білімдіге миллион бұйырады

Қостанай ауданындағы Садовый жалпы білім беретін мектебінің оқу-тәрбие жұмысы жоспары шеңберінде қоғамдық-гуманитарлық пәндер апталығы аясында қазақ тілі мен әдебиеті пәнінен «Миллион кімге бұйырады?» зияткерлік сайысы ұйымдастырылды.

Қазақстан Республикасындағы тілдердің қолданылу аясын кеңейту, мемлекеттік тілге құрмет көрсету және оны насихаттау, сондай-ақ, ұлт өкілдерінің қазақ тілін үйренуге деген ынтасын арттыру, жасөспірімдерді отансүйгіштікке тәрбиелеу басты назарда. Осы мақсат пен мектептің оқу-тәрбие жұмысы жоспары шеңберінде өткізілген зияткерлік сайыста оқушылар үш топқа бөлініп, білімдерін сарапқа салды. Іс-шараға арнайы келген «Тілдарын» облыстық тілдерді оқыту орталығының қазақ тілі оқытушысы Ирина Новицкая білім алушылармен сұхбат жүргізіп, тіл үйренудің маңыздылығы туралы ой бөлісті.
Алдағы уақытта да мемлекеттік тілді дамыту мен насихаттауға арналған іс-шаралар жалғасын табады. Ана тіліміздің мәртебесі мен қоғамдағы орнын нығайту, жас ұрпақтың тілдің қадір-қасиетін түсінуі, оны сүюі мен қорғауына ықпал ету – маңызды міндеттердің бірі. Сондай-ақ, Қазақстан атты бір шыңарық астында тұратын көптеген ұлт пен ұлыс өкілдерінің қазақ тіліне деген құрметін арттырып, ұлттық қарым-қатынасты нығайту бағытындағы жұмыстар да жоғары деңгейде жарасымды жалғасын таба бермек.

Тұрар ТАПЕЛОВ,
Садовый жалпы білім беретін мектебі,
Қостанай ауданы