Дәстүрлі ойын – асық ату

Оқу жылының басынан білім мекемелерінде «Біртұтас білім беру бағдарламасы» жүзеге асырылуда. Бағдарлама аясында «Төрт тоқсан – төрт өнер» тұжырымдамасы, сонымен қатар «9 ай – 9 іс-шара» жобасы бойынша іс шаралар өткізілуде. 

Аталмыш жобаларды жүзеге асыру аясында қарашаның 30-ы мен желтоқсанның 2-сі аралығында 5-6, 7-8, 9-11 сынып ұлдары арасында асық ату ұлттық мектеп лигасының қалалық кезеңі өтті. Негізгі мақсаты: оқушылардың рухани-адамгершілік мәдениетін, эстетикалық, патриоттық сезімдерін тәрбиелеу, еліміздің мәдени мұрасын сақтау, ұлттық ойындарды насихаттау.

Ойын барысында әрбір қатысушы бар өнерін көрсете білді. Асық ату ойындары оқушылардың бос уақытын ұйымдастыруға көмектеседі, сонымен қатар зейінділік пен ұқыптылықты дамытады. Нәтижесінде 5-6 сынып ұлдары арасында мектеп командасы бас жүлдеге ие болып, 9-11 сынып аралығында 3 орынды алды. Команда жетекшісі – С.Рахимжанов. Қатысушыларды құттықтай отырып, алдағы облыстық ойында балаларға сәттілік тілейміз.

Алмагүл ЖАНАБАЕВА,
№13 ЖББМ директордың
тәрбие ісі жөніндегі
орынбасары,
Рудный қаласы