Денсаулық пен спорттың үндестігі

Әр адамның өмірінде спорттың алатын орны ерекше. Спортпен шұғылданған адамның денсаулығы мықты, дене шынықтыру деңгейі жоғары болатыны белгілі. «Бірінші байлық – денсаулық» дегендей, өміріміздегі ең құнды дүние – денсаулығымыз.

Қаламыздағы А.Құнанбаев атындағы мектеп-гимназияның спорт алаңында «Мектеп лигасы-2024» ойындарының ашылу салтанаты өтті. Аталмыш іс-шараға қала әкімінің орынбасары Мешітбай Қайыржанұлы, қалалық білім бөлімінің әдіскері Ораз Ғазезович және мектеп-гимназия директоры Карлыгаш Серикбаевна қатысып, құттықтау сөз сөйлеп, оқушыларға сәттілік тіледі.
Қадірменді қонақтарымыз құттықтау сөз алып, оқушыларымызға сәттілік тіледі. Патриоттық әндер орындалып, мерекелік көңіл-күй сыйланды. Лига ойындарының ашылуынан кейін «Теңбіл доп-2024» футбол жарысы басталды. Ойынға 9–11-сыныптың ер балалары қатысып, өзара мықтыны анықтады. Нәтижесінде, 1-орынды 11 «В» сыныбы, 2-орынды 10 «В» сыныбы, ал 3-орынды 9 «Б» сыныбы иеленді. Жеңімпаздар арнайы мадақтамалармен марапатталды.
Спорт әр адамның өмірінде әртүрлі орын алады. Расында да, көпшілікті ұлты мен жеріне, тілі мен дініне бөлмей өзіне ынтызар етер спорттың құдіреті жоғары. Бәріміз білетіндей, «спорт – денсаулық кепілі». Бастысы, талғампаз тәкәппәр өнерге шексіз беріліп, адалдық танытсаң берері мол – сиқырлы әлем екені сөзсіз.
 

Ерболат МАҒАУОВ,
А.Құнанбаев атындағы
мектеп-гимназиясының
дене шынықтыру пәнінің мұғалімі,
Арқалық қаласы