Елдік пен егемендік жолы

ҚР Тәуелсіздігінің 30 жылдығына орай Мичурин жалпы білім беретін мектебінде салтанатты жиналыс өтті. Оған Мичурин ауылының аса қадірлі еңбек ардагерлері мен өңірге аты мәлім басқа да құрметті қонақтар қатысты.

Атап өтер болсақ, «Nur Otan» партиясының Қостанай аудандық филиалы төрағасының бірінші орынбасары Марина Растегаева, Қостанай аудандық маслихат депутаты, «Половниковское» ЖШС директоры Олег Двоеглазов, Мичурин ауылдық округінің әкімі Балтабек Жумагалиев, Мичурин жалпы білім беретін мектебінің ұстаздары және қызметкерлер ұжымы қатысты.

Іс-шара мектепішілік театр үйірмесінің «Желтоқсан оқиғасы» қойылымымен басталды. Көрерменнің жүрегіне жол тапқан қойылымнан соң, жиналыстың саланатты ашылуында ҚР Мемлекеттік әнұраны орындалды. Салтанатты жиналыс мектеп басшысы, ҚР білім беру ісінің үздігі Айнаш Даданованың баяндамасымен жалғасты. Өз сөзінде ол Мичурин мектебінің тәуелсіздік жылдарындағы оқу-тәрбие үрдісінде жеткен жетісіктері туралы баяндалды.

Кейін «Nur Otan» партиясының Қостанай аудандық филиалы төрағасының бірінші орынбасары Марина Александровна жиналысқа қатысушыларды Тәуелсіздіктің 30 жылдығымен құттықтап, «Nur Otan» партиясына жаңадан қабылданған ұстаздар мен қызметкерлерге партия билеттерін табыс етті. Аудандық мәслихат депутаты Олег Юрьевич құттықтау сөз сөйлеп, мектеп басшысына ҚР Парламент Сенатының Құрмет грамотасын табыстады. Ауыл әкімі Балтабек Казгереевич мерекемен құттықтаған соң, ауыл ардагерлеріне мадақтама табыс етті. Сондай-ақ мектеп өмірінің дамуына қосқан үлестері үшін демеушілерге мектеп басшысының атынан Алғыс хат берілді.

ҚР Тәуелсіздігінің 30 жылдығы қарсаңында мектеп педагогтері мен қызметкерлері аудандық білім бөлімінің, ауыл әкімінің, мектеп басшысының Алғыс хаттарымен және мадақтамаларымен марапатталды. Салтанатты жиналыстың сәнін келтірген концерттік нөмірлер көрермендерге мерекелік көңіл-күй сыйлады. Іс-шара мектеп басшысының орындауындағы «Атамекен» әнімен және көпұлтты Қазақстанды бейнелейтін әр түрлі ұлттық костюмдермен шыққан ұжымның сүйемелдеуімен өз мәресіне жетті.

Ерасыл ҚАЗЫБАЕВ,
Айжан ЖАБАЕВА,
Мичурин ЖББМ
директорының тәрбие ісі
жөніндегі орынбасарлары,
Қостанай ауданы