Қайырымдылықтың қайыры

Арқалық қаласындағы «Жас Ұлан» балалар ұйымының штаб төрайымы ретінде мен және «Жалын» көшбасшылық шеберлік мектебінің жетекшісі Ақмарал Файзуллина қалалық «Біз біргеміз» қайырымдылық акиясын ұйымдастырдық.

Акцияны өткізудегі басты мақсат – көпбалалы және аз қамтылған отбасыларға материалдық көмек беру. «Жас Ұлан» балалар мен жасөспірімдер орталығы ұжымына және мектеп тәлімгерлеріне акция туралы толық ақпарат беріліп, түсінік жұмыстары жүргізіліп, нәтижесінде киім-кешек, аяқ киімдер, оқу құралдары жинақталды. Артынша «Жас Ұлан» еріктілер тобы қаламыздың орталығында орналасқан №12 жатақхана тұрғындарына қайырымдылық акциясынан жиналған киім-кешектер мен оқу құралдарды табыс етті.

Акциямызға белсене ат салысып, қолдарынан келгенше көмек көрсеткен барша қайырымды жандарға №1 Ш.Уәлиханов атындағы мектеп тәлімгері Қаламқас Кенжеғұлға, №2 мектеп тәлімгері Жансая Жолдыбаеваға, №4 Кейкі батыр атындағы мектеп тәлімгері Асел Какимжановаға, №5 М.Әуезов атындағы мектеп тәлімгері Айнагүл Құралбековаға, №6 А.Құнанбаев атындағы мектеп-гимназиясының тәлімгері Асел Мирамоваға, №8 мектеп тәлімгері Ақбота Қалмағанбетоваға, №10 мектеп тәлімгері Дана Мусилимоваға және «Жас Ұлан» орталығының педагогтері мен «Жас Ұлан» еріктілер тобына ерекше алғыс білдіреміз.

Қайырымдылық шарасы барысында қаламыздағы №12 жатақхана тұрғындарының жүзіндегі қуанышы, айтқан алғыстары мен берген баталары көңілімізді бір марқайтып тастады. Осындай бағыттағы шаралар әлі де жалғасын табады деген сенімдеміз. Қолыңыздан келгенше жақсылық жасап жарысуға шақырамыз.

Ақбота АЛДАМЖАРОВА,
«Жас Ұлан» балалар
ұйымының штаб төрайымы,
Арқалық қаласы