Кітап – сарқылмас қазына

Выпуск - №14 (461)   :   09.04.2021
132

Айсары мектебінде тағылымы терең, мазмұнды да қызықты кештер жиі ұйымдастырылып тұрады. Жақында Халықаралық балалар кітабы күніне орай «Х.К. Андерсеннің шығармалары бойынша» атты мерекелік іс-шара өтті.

Елімізді өркениетті әлемге танытатын, дамыған елдермен терезесін тең ететін күш – білім мен білімді ұрпақ. Білімді ұрпақ – егемен елдің берік тірегі. Оқушының ойын байытып, сауатын молайтып, білім нәрімен сусындататын – кітап. Білімнің кітап арқылы берілетінін ұғындырып, кітаптың адам өміріндегі маңызы, ғылым мен білімнің пайдасы жайлы мектебіміздің оқушыларына үнемі түсінік беріліп отырады. Бұл жолы әлемге әйгілі балалар және ересектерге арналған ертегілер авторы, дат жазушысы Ханс Кристиан Андерсеннің ертегілері бойынша тағылымды шара ұйымдастырылды.

Ханс Кристиан Андерсен 1805 жылы сәуірдің 2-сі күні Фюн аралығындағы Оденсе қаласында дүниеге келген. Халықаралық балалар кітабы күні Балалар кітабы халықаралық кеңесінің шешімімен 1967 жылдан бастап балалардың сүйікті ертегішісі Х.К. Андерсеннің туған күні, яғни сәуірдің 2-сінде атап өтіледі деп бекітілген. Мұның басты мақсаты – әлем балаларын әдебиетке жақын болуға шақыру, кітап оқуға үндеу, адам өмірінде кітаптың алар орны ерекше екенін түсіндіру. Андерсен ертегілері жалпы кез келген жастағы оқырманға арналған. Бүгінде біраз кітаптары қазақ тілінде де жарық көрген.



Мектебімізегі шараға 6-сынып оқушылары қатысты. Екі топқа бөлінген олар, сұрақтарға жауап бере отырып өз топтарына ұпай санын жинады. Тәуелсіздігіміздің 30 жылдығы қарсаңында оқушылар өздері оқыған кітаптарынан Қазақстанның егемендік жылдарына қатысты сұрақтармен жалғастырды. Белсенділігімен көзге түсіп, тапқырлығын таныта білген оқушылар мектептің мерекеге арнайы жасалған мақтау қағаздарымен марапатталды. Ал ауылдық кітапханамен бірлесе отырып дайындаған аудандық «Сөз құдіреті» байқауының жеңімпаздары Аягөз Сәт, Мадина Мағзұмхан және Даяна Шағатаеваға мақтау қағаздары және арнайы сыйлықтар табыс етілді.

Мейрамкүл КӨШЕК,
Айсары ЖББМ
кітапхана меңгерушісі,
Қостанай ауданы

 

Реклама

Я никогда не учу своих учеников, я пытаюсь только обеспечить условия, в которых они смогут учиться. Учителю необходимо узнать об интересах ученика, увидеть в нём потенциал и бросить все силы на его развитие. Причём сделать это так, чтобы ребёнок хотел учиться и мог это делать. 

"К педагогическому делу надо призывать, как к делу морскому, медицинскому или тому подобным, не тех, которые стремятся только обеспечить свою жизнь, а тех, которые чувствуют к этому делу и к науке сознательное призвание и предчувствуют в нём своё удовлетворение, понимая общую народную надобность".