Қостанайдағы NIS Түркістанда жеңімпаз

Выпуск - №43(591) : 14.11.2023

628

Қостанай қаласындағы Назарбаев Зияткерлік мектебінің «HardChord» ВИА «TURKESTAN GRAND FESTIVAL» көп жанрлық ашық конкурс-фестивалінде Гран-при және екі І орынды иеленді.

Байқау-фестиваль үстіміздегі жылдың қараша айының 10-13 аралығында Қазақстанның тарихи-мәдени орталықтары мен көне қалаларының бірі – Түркістан қаласында өтті. Байқауда Қостанай ансамблі көркемдік жетекшісі – Болат Сейітмұратовтың өңдеуімен «Аспаптық өнер» тобында «Ерке сылқым» композициясымен өнер көрсетті. Аталмыш байқауға қатысушылардың өнерін кәсіби мамандар: Италия мен Қазақстанның көрнекті мәдениет және өнер қайраткерлері және композиторлар, профессорлар, шоу-бизнес өкілдері бағалады.

– Жеңіске ұйымшылдық пен көркемдік жетекшіміз Болат Есмұхамбетұлының нұсқауының арқасында қол жеткіздік. Сапар біздің командаға эмоция, ұмытылмас естеліктер мен ауқымды шараларда ғана алатын тәжірибе әкелді. Дей тұрғанмен, алда бәрімізді жаңа жеңістер мен шығармашылық даму күтіп тұр, – дейді 11-сынып оқушысы Айзере Баймулдина.

Айта кету керек, аталған ауқымды байқаудың жеңімпаздары Түркияда, Әзірбайжанда өтетін халықаралық байқауларға, сондай-ақ Астанада өтетін фестивальдерге шақырту алды.

Абылай ҚАСЫМОВ,
Қостанай қаласындағы
NIS баспасөз хатшысы