Мектепішілік «Жайдарман» фестивалінің ашылуы

Выпуск - №50(497)   :   12.01.2022
106

Жайдарман – көңілді тапқырлардың алаңы екені белгілі. Күні кеше Қостанай қаласындағы №10 жалпы білім беретін мектебінде мектеп лигасының «Жайдарман» фестивалінің шымылдығы ашылды.

Фестивальді өзін-өзі басқару ұйымының мүшелері, мектебіміздің белсенділері, қалалық, облыстық «Жайдарман» ойындарының бірнеше дүркін жеңімпаздары Нұрқожа Маратов, Ерсұлтан Сапабек, Айлана Арамбаева, Бекнұр Кайыргазин сынды оқушыларымыз ұйымдастырды. Фестивальдің ашылуында өнер көрсеткен 5-6 сынып оқушыларынан құралған «Фейерверк», «Пингвин», «Люблино», «Бауырсақ» командалары арасындағы ойын тартысты өтті.

Кезекті ойынға 4 ойыншылар командасы жолдама алды. Осы жолы «Жайдарман» ойындары кубогын «Фейерверк» командасы иеленді. Бұл ойын әрі қарай жалғасын табатыны бізді қуантады. Ойыншылардың тапқырлығы мен орынды айтылған әзілдері көрермен әрі жанкүйер болған оқушылар мен мұғалімдердің көңілінен шықты. Олар да, өз кезегінде, келесі ойынды асыға күтетіндіктерін жасырмады. Командаларды құттықтай отырып, алдағы ойында сәттілік тілейміз.


Зоя ҚОЙТБАЕВА,
№10 ЖББМ директорының
тәрбие ісі жөніндегі
орынбасары,
Қостанай қаласы

Реклама