«Мектепке жол» акциясы аясында

Әр оқу жылының қарсаңында «Мектепке жол» акциясының өткізілуі дәстүрге айналып келеді. Биылғы 2021-2022 оқу жылында да игілігі мол шара жалғасын тапты. «Жақсының жақсылығын айт» демекші, акцияға өз үлесін қосқан жандарды атап өткенді жөн көрдік.

Өркениетке бет бұрған қазіргі кезеңде дамитын ел дарынды ұландарынан көп үміт күтеді. Балалардың мерейін өсіріп, ертеңгі күнге берік сенімін қалыптастыруда. Бұл акцияның мақсаттары мен міндеттері туралы халықта ақпараттандыру, ауылымыздың көпшілік жерлеріне үндеу хаттар түрінде бұрыштар құрылып, шаруашылық қожалықтар мен ұйымдарға осы акцияға қатысу туралы үндеу шығарылды. Жеке кәсіпкерлер мен ауылымыздың белсенді азаматтарына үндеу хаттар жіберілді. Жаны жомарт, жүрегі нұрға толы ауыл азаматтары, меценаттармен әріптестік қарым-қатынас орнатылды.

Мүмкіндігінше қол ұшын беріп, түсіністікпен қараған жандар аз болмады. Акция барысында «Терра» ЖШС 20 оқушыға 20 мың теңгеден 400 мың теңге, Қостанай аудандық «Төтенше жағдай орталығы» 1 оқушыға 20 мың теңге, Қостанай аудандық «Жұмыспен қамту және әлеуметтік бағдарламалар бөлімі» ММ 1 оқушыға 21 мың теңге, Қостанай аудандық ауруханасы 2 оқушыға 40 мың теңге, Қостанай аудандық мемлекеттік мұрағаты 1 оқушыға 20 мың теңге, Мемлекеттік тілде оқытатын Заречный жалпы білім беретін мектебі 4 оқушыға 65 мың 500 теңге соммасында ақшалай қолдау көрсетті.

Осылайша игілікті шара барысында көрсетілген көмектің жалпы соммасы 566 мың 500 теңгені құрады. Акцияға қатысып, көмек қолын созған барша демеушілерге оқушылар, ата-аналар және ұстаздардың атынан алғысымызды айтамыз. Акция жыл бойы жалғасын таппақ.

Сандуғаш КАРМАНОВА,
Мемлекеттік тілде оқытатын
Заречный ЖББМ
әлеуметтік педагогі,
Қостанай ауданы