Нәтижелі «Үндестік» жобасы

Былтырғы қараша айының 17-сінен білім беру ұйымындарында педагогтер мен ата-аналардың өзара іс-қимылын жақсартуға бағытталған «Үндестік» облыстық жобасы өз жұмысын бастағаны белгілі.

Аз уақыт өтсе де, өзара іс-қимыл нысандарын жетілдіру, ынтымақтастық қырларды айқындау, ақпараттық-әдістемелік жұмыстарды нығайту, ата-аналарды оқу-тәрбие үрдісінің мазмұны мен әдістемесімен терең таныстыру барысында бірнеше жұмыстар іске асырылды. Екі одақ бірлесіп, ынтымақтасқанда ғана күрмеуі қиын талай мәселелердің түйіні шешілетінін де осы жоба нақтылап көрсеткендей. Тиімді жоба әлеуметтік-психологиялық-педагогикалық ұзақ мерзімді өзара іс-қимылын қамтамасыз етуге бағытталған.

Ғылыми-әдістемелік, диагностикалық-сараптамалық, профилактикалық, консультативтік-ағартушылық, дамытушылық бағыттар бойынша осы уақытқа дейін ата-аналар мектеп әкімшілігі мен пән мұғалімдері, сынып жетекшілерден жеке консультациялар, интерактивті әңгіме, консультация-рефлексия жүргізілуде. «Әкімшілік қабылдау бөлмесі» бойынша арнайы кесте жасалғалы түрлі мәселелер бойынша өздерінің ойларын жеткізуге келіп жатқан ата-аналардың да саны көбейіп келеді. Мектеп директоры Кемер Уразбековке өзара ұштасқан екі ұғым білім мен тәрбие, жасөспірімдерді вакцинациялау, гигиеналық талаптар төңірегінде жеке қабылдауға келсе, оқу, тәрбие ісінің орынбасарларына баланың пәндік білімінің сапасы, тәрбиедегі белсенді әрекет, тегін тамақтану, автобус тасымалы сынды түрлі тақырыптар бойынша туындаған сұрақтардың шешімін табуға тырысуда.

Аталмыш «Үндестік» жобасына мектебіміздегі 22 сынып жетекшілерінің де қосып жатқан үлесі толассыз. Сынып жетекшілерге жас ұрпақты тәрбиелеу жүйесіндегі жаңа заман талабы, оның прициптері жүктеліп отырған ауыр жүк екендігі баршамызға белгілі. Ата-аналар мен мектеп ұжымы арасында туындап жатқан мәселелерге қатысты түрлі формада жұмыстар атқарып, кері байланыс алып, өзінің істеген іс-әрекеттеріне есеп беріп отырады. Міне, біз үшін «Үндестік» жобасының маңыздылығы да осында. Алдағы уақытта да ата-аналардың білім беру ұйымының әкімшілігімен өзара іс-қимылы жақсарту, педагогтер мен ата-аналардың қызметін көтермелеу бойынша жұмыстарымыздың нәтижесін көреміз деген сенімдеміз.

Эльмира ДҮЙСЕНБАЕВА
Ғаббас Жұмабаев атындағы
Боровской мектеп-гимназиясы
директорының тәрбие ісі
жөніндегі орынбасары,
Меңдіқара ауданы