Учительская плюс
Областная еженедельная общественная информационно-образовательная газета
Календарь
07/08/26 Пятница
Түлектер жан-жаққа қанат қаққанмен, ешқайсысы мектебін, ұстаздары мен сүйікті сыныбын ұмытпайтыны рас. Қостанай қаласындағы NIS-те «Alumni NIS» Түлектер қауымдастығының қолдауымен «Samgau» атты түлектер форумы өтті.
Қара шаңырақ түлектерімізге мектеп жылдарындағы жылы естеліктер атмосферасына енуге мүмкіндік берді. Әр жылғы түлектер бір ортада бас қосып, болашақ мамандығы мен университет таңдаудағы тәжірибелерімен бөлісіп, NIS оқушыларының кәсіби дамуына үлес қосты. Олардың презентациялары TEDx форматында өтті. «Alumni NIS» қауымдастығы – NIS түлектерін бір-бірімен және мектеппен байланыстыру үшін құрылған. Аталмыш орта 2018 жылдан бері түрлі іс-шаралар мен жобалар арқылы түлектерді біріктіріп келеді.
– Мектеп әрбір түлек үшін үлкен мүмкіндіктер ашады, олар құнды біліммен қатар нағыз достарды кезіктіреді. Адалдық, Отанға деген сүйіспеншілік, толеранттылық, меритократия сияқты ортақ құндылықтарды ұстанады. Уақыт өте келе олардың бойында мектебі мен ұстаздарына, сыныптастарына деген шынайы алғыс сезімі пайда болады. Білім шаңырағынан сусындаған дүниелерін шынайы бағалай бастайды. Ал бұл алған білімдерімен, өз тәжірибелерімен, әрине саналы түрде және тегін бөлісуге деген шексіз құлшыныс тудырады, – дейді «Alumni NIS» елшісі Қымбат Хаумбетова.
Түлектердің арасында спортшылар да, оқу озаттары да, болашағы үшін ғана емес, ел игілігі үшін өсемін деп сенетіндер де баршылық. Мәселен, түлектеріміздің бірі Анель Касымова өз сөзінде: биохимияның дамуына тек Ұлыбритания қауымдастығы үшін ғана емес, мектебі мен елі үшін үлес қосуға үміттенетінін жеткізді.
– Мектебіміздің дамуына әрі көркеюіне, керемет түлектерді шығаруға және біз сияқты тамаша студент болуға өз тарапымнан ықпал ету мүмкіндігіне ие болғаныма өте қуаныштымын. Сонымен қатар мектебім маған қазіргі уақытта аса қажет және болашағымда да пайдама жарайтын дағдыларды үйреткенін ерекше атап өткім келеді. Сол үшін де қара шаңырағыма алғысым шексіз, – дейді мектептің 2021 жылғы түлегі, Ұлыбританиядағы Бристоль университетінің студенті Анель Қасымова.
Форум бағдарламасына Қостанайдағы NIS оқушыларының түрлі республикалық және халықаралық олимпиадаларда жүлделі орындарға ие болған ғылыми жобалары да енгізілді. Мектеп оқушылары шақырылған түлектерге ғылыми жобаларын ұсынып, «кері байланыс» алды. Форум соңында шақырылған түлектер 10-11 сынып оқушыларымен кездесіп, олардың болашақ мамандығын таңдауына қатысты өзекті мәселелерді талқылады. Түлектер Қазақстанның және шетелдердің жоғары оқу орындарында қалай білім алып жатқандары туралы айтып берді.
Қостанай қаласындағы Назарбаев Зияткерлік мектебінің 2021 жылдың түлегі Асқар Гайсин Назарбаев Университетіндегі студенттік өмірі жайлы егжей-тегжейлі баяндаса, 2022 жылғы түлектер Ксения Тушинская мен Дарья Мамратова АҚШ-та оқудың қыр-сырымен бөлісті. Диалог алаңында қалыптасқан бейресми және достық атмосфера оқушыларға болашақта оқуға түсуге қатысты әр түрлі тақырыптарды талқылауға мүмкіндік берді.
Абылай ҚАСЫМОВ,
Қостанай қаласындағы
НЗМ баспасөз хатшысы
Мир, в котором живет человек, зависит прежде всего от того, как его данный человек понимает, а следовательно, от свойств его мозга: сообразно с последним мир оказывается то бедным, скучным и пошлым, то наоборот, богатым, полным интереса и величия.
Умный человек и в одиночестве найдёт отличное развлечение в своих мыслях и воображении, тогда как даже беспрерывная смена собеседников, спектаклей, поездок и увеселений не оградит тупицу от терзающей его скуки.
Учитель – это светоч нации. Ежедневным кропотливым трудом каждый из вас вносит неоценимый вклад в развитие страны. Вы сеете семена знаний в молодые сердца и растите мыслящую нацию. Ибрай Алтынсарин говорил: «Превыше всего я ценю хорошего учителя». Педагог – ключевая фигура в построении будущего страны, поэтому ему должно быть отведено достойное место в обществе.
