Абайды қанша жырласақ та артық болмайды. Биылғы Абайдың 175 жылдығына орай ел көлемінде көптеген мазмұнды шаралар ұйымдастырылуда. Одан Заречный мектеп-лицейі де қапы қалып жатқан жоқ.
Мектепте дана ақынның өмір жолы мен шығармашылығына бағытталған тәрбие сағаттары, ашық сабақтар, сыныптан тыс іс-шаралар өткізілуде. Бұл жолы Абайдың өлеңдерін жатқа мәнерлеп оқу бойынша мектептің қазақ тілі пәнінің мұғалімдері мен мектеп кітапханашысының ұйымдастыруымен бастауыш сынып оқушыларының арасында «Өлең – сөздің патшасы, сөз сарасы» атты Абай өлеңдерін мәнерлеп оқуға бағытталған сайыс өткізілді.
Мектеп кітапханасында өткізілгендіктен, кітапхана меңгерушісі О.Карандей тақырыпқа сай арнайы көрме ұйымдастырды. Яғни балалар мен мұғалімдер сайыстан бұрын кітапханадағы Абай атамыздың кітаптарының қорын тамашалады. Сайысқа мектебіміздің бетке ұстар оқушылары – 1-сынып оқушысы Маргарита Гришанина, 3-сынып оқушылары Эмин Гусейнов, Ева Мороз, Томирис Нұғұманова, 4-сынып оқушылары Ксения Калинальян, Сымбат Тоқмағұлова, Егор Овечкин қатысты. Әрбір оқушы қазақ тілінде өлеңдерді мәнерлеп оқып қана қоймай, қазақ тіліне тән дыбыстарды да таза жеткізе білді. Барлық оқушы намысқа салып, әрқайсысы бірінші тұғырдан көрінуге талпынды. Дегенмен әділ қазылар алқасы барлығына бірдей алғысын айтып, лайықтыларын жүлделі орындармен марапаттады.
Сайыс соңында әдістемелік бірлестіктің жетекшісі Р.Майконова оқушыларға алғысын айтып, болашақта оқушыларға Абай атамыздың өлеңдерін ұмытпай, жаттап жүрулерін тіледі. Ал директордың оқу ісі жөніндегі орынбасары Р.Тлеубаева мектебімізде Абай атамыға бағытталған іс-шаралардың әлі талай өткізілетінін жеткізіп, ұйымдастырған қазақ тілі пәнінің мұғалімдері мен оқушыларына сәттілік тіледі.
З.Қозыбаева,
Ә.Сағынбай,
Заречный мектеп-лицейінің
қазақ тілі пәнінің мұғалімдері,
Қостанай ауданы
Я никогда не учу своих учеников, я пытаюсь только обеспечить условия, в которых они смогут учиться. Учителю необходимо узнать об интересах ученика, увидеть в нём потенциал и бросить все силы на его развитие. Причём сделать это так, чтобы ребёнок хотел учиться и мог это делать.