Өнерлі өрендер анықталды

«Біртұтас тәрбие» бағдарламасы аясында Айсары жалпы білім беретін мектебінде өнерлі оқушыларды анықтау мақсатында 1–9-сыныптар арасында «Біз таланттыларды іздейміз» атты мектепішілік байқау өтті.

Байқау «Вокал», «Хореография», «Көркем-бейнелеу шығармашылығы», «Шебер қолдар» және «Көркем оқу» сияқты бірнеше аталым бойынша ұйымдастырылды. Әрбір бағытта оқушылар өз өнерін көрсетіп, ерекше дарынымен көзге түскен жүлдегерлер арнайы дипломдармен, сондай-ақ «Үздік әнші» статуэткасымен және сыйлықтармен марапатталды. Өнерпаз балаларға ынталандыру сыйлықтары мен тәттілер де табысталды.
Жүзден жүйрік шыққандарға келер болсақ, «Вокал» бағытында 1-орынға А.Қуаныш, 2-орынға М.Сүлеймен, 3-орынға А.Дәулетбек ие болды. Келесі «Хореография» аталымы бойынша Бас жүлде А.Ғабиденқызына табысталса, 1-орынды Н.Мұратбекқызы, 2-орынды А.Жусипбек, ал 3-орынды Я.Угурчиева иеленді. «Көркем-бейнелеу шығармашылығы» бағытында 1-4 сыныптар арасында 1-орынға Ә.Мұратбекұлы, 2-орынға М.Щерба, 3-орынға Ж.Мырзатай; 5-7 сыныптар арасында 1-орынға Н.Аманжол, 2-орынға К.Мұратбек, 3-орынға А.Какимова; 8-9 сыныптар арасында 1-орынға Р.Дакиева, 2-орынға А.Воропаева, 3-орынға А.Қадамбаева лайық деп танылды.

«Шебер қолдар» бағыты бойынша 1-орынды Н.Мырзатай, 2-орынды М.Балғабай, ал жүлделі 3-орынды А.Акназарова иеленді. Және «Көркем оқу» бағытында 1-орын І.-М.Марқабай, 2-орын А.Жұмағали, 3-орын А.Фазылға табысталды. Іс-шара жоғары деңгейде өтіп, балалардың жүзінен қуаныш сезімі байқалды. Оқушылардың шабытын арттыруға және байқауды ұйымдастыруға қолдау көрсеткен Айсары ЖББМ директорының міндетін атқарушы Әлімова Назгүл Едресқызына алғысымызды білдіреміз. Ол ұжымның ақылшысы ретінде туындаған мәселелерді уақытында шешіп, ұстаздарды бір мақсатқа жұмылдыра білетін нағыз ұйымдастырушы.
Сондай-ақ, іс-шараға демеушілік көрсеткен Айсары ауылының жеке кәсіпкерлері Гульмира Мустафина, Альмира Салимжанова, Акбілек Муханбетжановаға және мектебіміздің ұстаздарына ризашылығымызды білдіреміз. Байқау барысында балалардың қуанышқа толы жүздерін, шаттыққа толы сәттерін көру – үлкен бақыт. «Бала – көңілдің гүлі, көздің нұры» деген дана сөз бекер айтылмаған. Осындай іс-шаралар оқушылардың талантын шыңдап қана қоймай, шығармашылық қабілеттерін дамытуға ықпал етеді. Алдағы уақытта мұндай игі бастамалар мектебімізде дәстүрлі түрде жалғасын табады.

Саркын АБЕНОВА,
Айсары жалпы білім
беретін мектебінің аға тәлімгері,
Қостанай ауданы