Шахматтан ашық турнир өтті

Әулиекөл БМ директоры Бибігүл Уайсованың қолдауымен аудан көлемінде алғаш рет Тәуелсіздік күні және Жастар жылына орай аудандық бастауыш сынып оқушылары арасындағы шахматтан ашық турнир өтті.

Балалардың логикалық ойлау қабілетін дамытуға бағытталған ойын түрінен өткен шараның басты мақсаты – аталмыш интелектуалды ойынды оқушылар арасында кеңінен насихаттай отырып, стратегиялық ойлау қабілеттерін жетілдіру. Аудандық шахмат турниріне арнайы қонақтар: Әулиекөл ауданы әкімдігінің дене шынықтыру және спорт бөлімінің бас маманы Жарас Хамитбеков және Әулиекөл ауданы білім бөлімінің әдіскері Мағзұм Галямов арнайы шақырылды.

Аудандық турнир болады дегенді естіп, оған қызығушылық танытқан 10 мектеп тіркеліп, 30 қатысушы өзара бақ сынасты. Әлбете, ұшқырлығымен ерекшеленген оқушылар жүлделі орындар мен арнайы сыйлықтарға ие болды. Атап өтсек, жалпыкомандалық есепте: 1-орын Әулиекөл бастауыш мектебі (жетекшісі – А.Есекеева), 2-орын Новоселов орта мектебі (жетекшісі – А.Ахметов), 3-орын Диев орта мектебі (жетекшісі – Е.Абдрахманов). Бірінші тақтада: 1-орынға Әулиекөл БМ оқушысы Нұралы Тажиков, 2-орынға Ш.Уәлиханов атындағы Әулиекөл ОМ оқушысы Ердос Сайран, ал 3-орынға Новоселов ОМ оқушысы Дәулет Сәрсенбаев ие болды.

Екінші тақтада: 1 орынды Ш.Уәлиханов атындағы Әулиекөл ОМ оқушысы Ержан Сайран, 2-орынды Әулиекөл БМ оқушысы Әділет Умирбаев, ал 3-орынды Новоселов ОМ оқушысы Иманәлі Шинкентаев қанжығасына байлады. Соңғы үшінші тақтада: 1-орын Диев ОМ оқушысы Егор Параскевичке, 2-орын Әулиекөл БМ оқушысы Нұрислам Ахметханға, ал 3-орын С.Баймағамбетов атындағы мектеп-гимназияның оқушысы Евгений Ткаченкоға бұйырды. Сонымен қатар, «Үздік ойыншы» аталымымен Диев ОМ оқушысы Егор Параскевич марапатталды.

Азира ЕСЕКЕЕВА,
Әулиекөл БМ өзін-өзі